Rig Veda · Chapter 10.136

keśy a1gniṁ keśī viṣaṁ keśī bibharti rodasī |
keśī viśvaṁ svar dṛśe keśīdaṁ jyotir ucyate ||

munayo vātaraśanāḥ piśaṅgā vasate malā |
vātasyānu dhrājiṁ yanti yad devāso avikṣata ||

unmaditā mauneyena vātām̐ ā tasthimā vayam |
śarīred asmākaṁ yūyam martāso abhi paśyatha ||

antarikṣeṇa patati viśvā rūpāvacākaśat |
munir devasya-devasya saukṛtyāya sakhā hitaḥ ||

vātasyāśvo vāyoḥ sakhātho deveṣito muniḥ |
ubhau samudrāv ā kṣeti yaś ca pūrva utāparaḥ ||

apsarasāṁ gandharvāṇām mṛgāṇāṁ caraṇe caran |
keśī ketasya vidvān sakhā svādur madintamaḥ ||

vāyur asmā upāmanthat pinaṣṭi smā kunannamā |
keśī viṣasya pātreṇa yad rudreṇāpibat saha ||