Rig Veda · Chapter 10.060

ā janaṁ tveṣasaṁdṛśam māhīnānām upastutam |
aganma bibhrato namaḥ ||

asamātiṁ nitośanaṁ tveṣaṁ niyayinaṁ ratham |
bhajerathasya satpatim ||

yo janān mahiṣām̐ ivātitasthau pavīravān |
utāpavīravān yudhā ||

yasyekṣvākur upa vrate revān marāyy edhate |
divīva pañca kṛṣṭayaḥ ||

indra kṣatrāsamātiṣu rathaproṣṭheṣu dhāraya |
divīva sūryaṁ dṛśe ||

agastyasya nadbhyaḥ saptī yunakṣi rohitā |
paṇīn ny akramīr abhi viśvān rājann arādhasaḥ ||

ayam mātāyam pitāyaṁ jīvātur āgamat |
idaṁ tava prasarpaṇaṁ subandhav ehi nir ihi ||

yathā yugaṁ varatrayā nahyanti dharuṇāya kam |
evā dādhāra te mano jīvātave na mṛtyave 'tho ariṣṭatātaye ||

yatheyam pṛthivī mahī dādhāremān vanaspatīn |
evā dādhāra te mano jīvātave na mṛtyave 'tho ariṣṭatātaye ||

yamād ahaṁ vaivasvatāt subandhor mana ābharam |
jīvātave na mṛtyave 'tho ariṣṭatātaye ||

nya1g vāto 'va vāti nyak tapati sūryaḥ |
nīcīnam aghnyā duhe nyag bhavatu te rapaḥ ||

ayam me hasto bhagavān ayam me bhagavattaraḥ |
ayam me viśvabheṣajo 'yaṁ śivābhimarśanaḥ ||