Rig Veda · Chapter 10.059

pra tāry āyuḥ prataraṁ navīyaḥ sthātāreva kratumatā rathasya |
adha cyavāna ut tavīty artham parātaraṁ su nirṛtir jihītām ||

sāman nu rāye nidhiman nv annaṁ karāmahe su purudha śravāṁsi |
tā no viśvāni jaritā mamattu parātaraṁ su nirṛtir jihītām ||

abhī ṣv a1ryaḥ pauṁsyair bhavema dyaur na bhūmiṁ girayo nājrān |
tā no viśvāni jaritā ciketa parātaraṁ su nirṛtir jihītām ||

mo ṣu ṇaḥ soma mṛtyave parā dāḥ paśyema nu sūryam uccarantam |
dyubhir hito jarimā sū no astu parātaraṁ su nirṛtir jihītām ||

asunīte mano asmāsu dhāraya jīvātave su pra tirā na āyuḥ |
rārandhi naḥ sūryasya saṁdṛśi ghṛtena tvaṁ tanvaṁ vardhayasva ||

asunīte punar asmāsu cakṣuḥ punaḥ prāṇam iha no dhehi bhogam |
jyok paśyema sūryam uccarantam anumate mṛḻayā naḥ svasti ||

punar no asum pṛthivī dadātu punar dyaur devī punar antarikṣam |
punar naḥ somas tanvaṁ dadātu punaḥ pūṣā pathyā3ṁ yā svastiḥ ||

śaṁ rodasī subandhave yahvī ṛtasya mātarā |
bharatām apa yad rapo dyauḥ pṛthivi kṣamā rapo mo ṣu te kiṁ canāmamat ||

ava dvake ava trikā divaś caranti bheṣajā |
kṣamā cariṣṇv ekakam bharatām apa yad rapo dyauḥ pṛthivi kṣamā rapo mo ṣu te kiṁ canāmamat ||

sam indreraya gām anaḍvāhaṁ ya āvahad uśīnarāṇyā anaḥ |
bharatām apa yad rapo dyauḥ pṛthivi kṣamā rapo mo ṣu te kiṁ canāmamat ||