Revākhāṇḍa (revised text) · Chapter 223
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe tilādeśvaratīrthamāhātmyavarṇanaṃ nāma dvāviṃśadadhikadviśatatamo 'dhyāyaḥ ||
RKV adhyāya 223
mārkaṇḍeya uvāca:
tataḥ krośāntare pārtha vāsavaṃ tīrthamuttamam /
vasubhiḥ sthāpitaṃ tatra sthitvā vai dvādaśābdakam
dharo dhruvaśca somaśca āpaścaivānilo 'nalaḥ /
pratyūṣaśca prabhāsaśca vasavo 'ṣṭāvime purā
pitṛśāpaparikliṣṭā garbhavāsāya bhārata /
nārmadaṃ tīrthamāsādya tapaścakruryatendriyāḥ
ārādhayantaḥ paramaṃ bhavānīpatim avyam /
dvādaśābdāni rājendra tatastuṣṭo maheśvaraḥ
pratyakṣaḥ pradadau tebhyastvabhīṣṭaṃ varamuttamam /
tataḥ svanāmnā saṃsthāpya vasavastaṃ maheśvaram /
jagmurākāśamāviśya prasanne sati śaṅkare
tataḥ prabhṛti vikhyātaṃ tīrthaṃ tadvāsavāhvayam /
tasmiṃstīrthe mahārāja yo bhaktyā pūjayecchivam /
yathālabdhopahāraiśca dīpaṃ dadyāt prayatnataḥ
śuklapakṣe tadāṣṭamyāṃ pratyahaṃ vāpi śaktitaḥ /
aṣṭau varṣasahasrāṇi sa vasecchivasaṃnidhau
tataḥ śivālayaṃ yāti garbhavāsaṃ na paśyati /
puṣpairvā pallavairvāpi phalairdhānyais tathāpi vā
pūjayeddevamīśānaṃ sa dainyaṃ nāpnuyāt kvacit /
sarvaśokavinirmuktaḥ svargaloke mahīyate
ekāhamapi kaunteya yo vasedvāsaveśvare /
pāparāśiṃ vinirdhūya bhānuvaddivi modate
viprāṃśca bhojayedbhaktyā dadyād vāsāṃsi dakṣiṇām
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0