રેવાખાણ્ડ (સંશોધિત પાઠ) · અધ્યાય 223

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે તિલાદેશ્વરતીર્થમાહાત્મ્યવર્ણનં નામ દ્વાવિંશદધિકદ્વિશતતમો ઽધ્યાયઃ ॥
ર્ક્વ્ અધ્યાય 223
માર્કણ્ડેય ઉવાચ:
તતઃ ક્રોશાન્તરે પાર્થ વાસવં તીર્થમુત્તમમ્ ।
વસુભિઃ સ્થાપિતં તત્ર સ્થિત્વા વૈ દ્વાદશાબ્દકમ્

ધરો ધ્રુવશ્ચ સોમશ્ચ આપશ્ચૈવાનિલો ઽનલઃ ।
પ્રત્યૂષશ્ચ પ્રભાસશ્ચ વસવો ઽષ્ટાવિમે પુરા

પિતૃશાપપરિક્લિષ્ટા ગર્ભવાસાય ભારત ।
નાર્મદં તીર્થમાસાદ્ય તપશ્ચક્રુર્યતેન્દ્રિયાઃ

આરાધયન્તઃ પરમં ભવાનીપતિમ્ અવ્યમ્ ।
દ્વાદશાબ્દાનિ રાજેન્દ્ર તતસ્તુષ્ટો મહેશ્વરઃ

પ્રત્યક્ષઃ પ્રદદૌ તેભ્યસ્ત્વભીષ્ટં વરમુત્તમમ્ ।
તતઃ સ્વનામ્ના સંસ્થાપ્ય વસવસ્તં મહેશ્વરમ્ ।
જગ્મુરાકાશમાવિશ્ય પ્રસન્ને સતિ શઙ્કરે

તતઃ પ્રભૃતિ વિખ્યાતં તીર્થં તદ્વાસવાહ્વયમ્ ।
તસ્મિંસ્તીર્થે મહારાજ યો ભક્ત્યા પૂજયેચ્છિવમ્ ।
યથાલબ્ધોપહારૈશ્ચ દીપં દદ્યાત્ પ્રયત્નતઃ

શુક્લપક્ષે તદાષ્ટમ્યાં પ્રત્યહં વાપિ શક્તિતઃ ।
અષ્ટૌ વર્ષસહસ્રાણિ સ વસેચ્છિવસંનિધૌ

તતઃ શિવાલયં યાતિ ગર્ભવાસં ન પશ્યતિ ।
પુષ્પૈર્વા પલ્લવૈર્વાપિ ફલૈર્ધાન્યૈસ્ તથાપિ વા

પૂજયેદ્દેવમીશાનં સ દૈન્યં નાપ્નુયાત્ ક્વચિત્ ।
સર્વશોકવિનિર્મુક્તઃ સ્વર્ગલોકે મહીયતે

એકાહમપિ કૌન્તેય યો વસેદ્વાસવેશ્વરે ।
પાપરાશિં વિનિર્ધૂય ભાનુવદ્દિવિ મોદતે

વિપ્રાંશ્ચ ભોજયેદ્ભક્ત્યા દદ્યાદ્ વાસાંસિ દક્ષિણામ્