Revākhāṇḍa (revised text) · Chapter 219
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe jāmadagnyatīrthamāhātmyavarṇanaṃ nāmāṣṭādaśādhikadviśatatamo 'dhyāyaḥ ||
RKV adhyāya 219
śrīmārkaṇḍeya uvāca:
narmadādakṣiṇe kūle tīrthaṃ koṭīśvaraṃ param /
yatra snānaṃ ca dānaṃ ca sarvaṃ koṭiguṇaṃ bhavet
tatra devāḥ sagandharvā ṛṣayo ye tathāmalāḥ /
koṭitīrthe parāṃ siddhiṃ samprāptā bhuvi durlabhām
sthāpitaśca mahādevastatra koṭīśvaro nṛpa /
taṃ dṛṣṭvā devadeveśaṃ siddhiṃ prāpnotyanuttamām
tatra tīrthe tu yatkiṃcicchubhaṃ vā yadi vāśubham /
kriyate tannṛpaśreṣṭha sarvaṃ koṭiguṇaṃ bhavet
tatra dakṣiṇamārgasthā ye kecinmunisattamāḥ /
siddhā mṛtāḥ padaṃ yānti pitṛlokaṃ dhruvaṃ hi te
uttaraṃ narmadākūlaṃ ye śreṣṭhā munipuṃgavāḥ /
devalokaṃ gatāḥ pūrvamiti śāstrasya niścayaḥ
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0