રેવાખાણ્ડ (સંશોધિત પાઠ) · અધ્યાય 219

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે જામદગ્ન્યતીર્થમાહાત્મ્યવર્ણનં નામાષ્ટાદશાધિકદ્વિશતતમો ઽધ્યાયઃ ॥
ર્ક્વ્ અધ્યાય 219
શ્રીમાર્કણ્ડેય ઉવાચ:
નર્મદાદક્ષિણે કૂલે તીર્થં કોટીશ્વરં પરમ્ ।
યત્ર સ્નાનં ચ દાનં ચ સર્વં કોટિગુણં ભવેત્

તત્ર દેવાઃ સગન્ધર્વા ઋષયો યે તથામલાઃ ।
કોટિતીર્થે પરાં સિદ્ધિં સમ્પ્રાપ્તા ભુવિ દુર્લભામ્

સ્થાપિતશ્ચ મહાદેવસ્તત્ર કોટીશ્વરો નૃપ ।
તં દૃષ્ટ્વા દેવદેવેશં સિદ્ધિં પ્રાપ્નોત્યનુત્તમામ્

તત્ર તીર્થે તુ યત્કિંચિચ્છુભં વા યદિ વાશુભમ્ ।
ક્રિયતે તન્નૃપશ્રેષ્ઠ સર્વં કોટિગુણં ભવેત્

તત્ર દક્ષિણમાર્ગસ્થા યે કેચિન્મુનિસત્તમાઃ ।
સિદ્ધા મૃતાઃ પદં યાન્તિ પિતૃલોકં ધ્રુવં હિ તે

ઉત્તરં નર્મદાકૂલં યે શ્રેષ્ઠા મુનિપુંગવાઃ ।
દેવલોકં ગતાઃ પૂર્વમિતિ શાસ્ત્રસ્ય નિશ્ચયઃ