Rasendracūḍāmaṇi 3-5, 7-16 · Chapter 7

Rcūm, 7
kathyante somadevena sāmprataṃ darśino rasāḥ /
śrīkaṇṭhāgamanirdiṣṭā viśiṣṭā rasasādhane

{68 prakār kī rasauṣadhiyāṃ}
jalotpalasamaṅgā ca rasā ca jalapippalī /
sthalaprasāriṇī ciñcī jālinī jalamūlakā

candrodakārdhacandrā ca jalāpāmārgatiktakā /
tuṣāmbu kākamācī ca jalakumbhī tathā śaṭī

uttamā hemapuṣpī ca durgandhā sitagandhinī /
māṇḍūkī mohinī māṃsī pāṣāṇī cātha śīśikā

sārivālambuṣā meghanādī ca śukanāsikā /
potakī hīriṇī vajrakandikā cāparājitā

vanamālā vidārī ca kukkuṭā halinīśvarī /
vārāhī bṛhatī mūrvā sarpākṣī sadacitrikā

mālārjunaśca gojihvā garuḍī haṃsapādikā /
nandinī śikhipādī ca kāśmarī tulasī tathā

vanakūṣmāṇḍavallī ca vṛścikālī ca veṇukā /
muśalī citrapādī ca karmasphoṭī tathā viṣā

ajamārī pāṭalā ca paṭolī dhanvayāsakaḥ /
bhārṅgī viṣaghnī guḍūcī vāsā bhṛṅgī ca pāgavaḥ

aṣṭaṣaṣṭiriti proktā rasauṣadhyo mahābalāḥ /
bandhane māraṇe tadvajjāraṇe ca niyāmane /
bandhādāne ca sūtasya sarvadoṣāpakarmaṇi

vindhyādrau himaparvate ca malaye gomantake śrīgirau sahyādrāvatha pāriyātrakagirau kiṣkindhanāmālaye /
māhendre'pyatha mālyavatkṣitidhare tadrūpanāmādhikaṃ gopābhīrakasiddhavaidyamukhato vaidyaiḥ samāvedyatām