રસેન્દ્રચૂડામણિ · અધ્યાય 7

ર્ચૂમ્, 7
કથ્યન્તે સોમદેવેન સામ્પ્રતં દર્શિનો રસાઃ ।
શ્રીકણ્ઠાગમનિર્દિષ્ટા વિશિષ્ટા રસસાધને

{68 પ્રકાર્ કી રસૌષધિયાં}
જલોત્પલસમઙ્ગા ચ રસા ચ જલપિપ્પલી ।
સ્થલપ્રસારિણી ચિઞ્ચી જાલિની જલમૂલકા

ચન્દ્રોદકાર્ધચન્દ્રા ચ જલાપામાર્ગતિક્તકા ।
તુષામ્બુ કાકમાચી ચ જલકુમ્ભી તથા શટી

ઉત્તમા હેમપુષ્પી ચ દુર્ગન્ધા સિતગન્ધિની ।
માણ્ડૂકી મોહિની માંસી પાષાણી ચાથ શીશિકા

સારિવાલમ્બુષા મેઘનાદી ચ શુકનાસિકા ।
પોતકી હીરિણી વજ્રકન્દિકા ચાપરાજિતા

વનમાલા વિદારી ચ કુક્કુટા હલિનીશ્વરી ।
વારાહી બૃહતી મૂર્વા સર્પાક્ષી સદચિત્રિકા

માલાર્જુનશ્ચ ગોજિહ્વા ગરુડી હંસપાદિકા ।
નન્દિની શિખિપાદી ચ કાશ્મરી તુલસી તથા

વનકૂષ્માણ્ડવલ્લી ચ વૃશ્ચિકાલી ચ વેણુકા ।
મુશલી ચિત્રપાદી ચ કર્મસ્ફોટી તથા વિષા

અજમારી પાટલા ચ પટોલી ધન્વયાસકઃ ।
ભાર્ઙ્ગી વિષઘ્ની ગુડૂચી વાસા ભૃઙ્ગી ચ પાગવઃ

અષ્ટષષ્ટિરિતિ પ્રોક્તા રસૌષધ્યો મહાબલાઃ ।
બન્ધને મારણે તદ્વજ્જારણે ચ નિયામને ।
બન્ધાદાને ચ સૂતસ્ય સર્વદોષાપકર્મણિ

વિન્ધ્યાદ્રૌ હિમપર્વતે ચ મલયે ગોમન્તકે શ્રીગિરૌ સહ્યાદ્રાવથ પારિયાત્રકગિરૌ કિષ્કિન્ધનામાલયે ।
માહેન્દ્રેઽપ્યથ માલ્યવત્ક્ષિતિધરે તદ્રૂપનામાધિકં ગોપાભીરકસિદ્ધવૈદ્યમુખતો વૈદ્યૈઃ સમાવેદ્યતામ્