Rājataraṅginī · Verses 886-905

"saritsuvarṇāt ṣaṣṭhāṃśo grāhyo bhāvibhir īśvaraiḥ" /
tāmrapaṭṭe 'likhad yācñāvākyam evaṃ nareśvaraḥ

nagarādhikṛtaẖ Kācaḍāmaro dustare pathi /
krośamātraṃ vyadhāt setuṃ nagarāntaś śilāmayam

nātmaiva setudānena tena paṅkāt samuddhṛtaḥ /
sakalo 'pi jano madhyenagaraṃ puṇyaśālinā

viṣaye viṣaye cakre Śiryabhaṭṭo maṭhān pṛthūn /
anye 'pi sacivā rājño dharmaśālā bahūr vyadhuḥ

padmākarasya mathanāya gajādhirājāv abhyudyatau satatam eva tadambudṛptau /
tāvat karākari rasād iha cātimattau kṛtvā kṣaṇād agamatāṃ svayam eva nāśam

MasodaŚūrau dhātreyau bhūpater ekagotrajau /
dvau randhrānveṣiṇāv āstām anyo'nyavibhavāsahau

rājñā tau vāritakrodhau snehadākṣiṇyaśālinā /
hatvānyataram utpiñjasajjāv abhavatāṃ ciram

kadācid bhūpater agre spṛṣṭaś Śūreṇa vākcharaiḥ /
Masodaṭhakkuraś śastrasannyāsaṃ samakārayat

nyastaśastras sa rajanau gacchan mitaparicchadaḥ /
randhraṃ labdhvātha Śūreṇa Masodaṣ Ṭhakkuro hataḥ

Vinnādyaiṣ Ṭhakkurais tasya bhrātṛbhiẖ khyātapauruṣaiḥ /
hantum abhyarthitaś Śūro bhūpateḫ premaśālinaḥ

Śūre sānucare VinnaṬhakkureṇa hate sati /
prasādam agamat kīrtiṣ Ṭhakkurāṇāṃ ca dhīs tadā

tathā sa yogināṃ mānam adād bhūlokaVāsavaḥ /
teṣām agre yathā Madrarājādyair laḍitaṃ śvavat

sa dadad yogināṃ bhogaṃ yāgaṃ tebhyo 'grahīn nṛpaḥ /
bhayaṃ dadad arātibhyo dadhāv abhayam apy aho

mudrākarparakanthādi vārayan yogināṃ nṛpaḥ /
kuṇḍalaṃ hemapātrāṇi dukūlam api dattavān

chittvā parvatapakṣatīr api navāḫ pheṇena hatvāpy ahiṃ kṛtvā yajñaśataṃ trilokavijayī kīrtyā na tṛptiṃ gataḥ /
Indraḫ pītasitāsitāruṇaharidvarṇaṃ vidhatte dhanurjyotir dhūmasamīranīraghaṭanāmātre 'py asāre ghane

bhūtānāṃ bhāvināṃ vāpi yad aśakyaṃ mahībhujām /
tad iṣṭasāhaso rājā kīrtaye kartum iṣṭavān

kartavyaṃ sāhasaṃ yad yad ucitaṃ yad ayaṃ nṛpaḥ /
kālasyānavadhitvāc ca vipulatvena ca kṣiteḥ

tat tat sambhāvya sādhyaṃ sa bhāvibhir medinīśvaraiḥ /
dūrād abdhim ivāyāto ratneṣv adhikadīptiṣu

sāhaseṣv ekam ādātum api prāpa na niścayam /
upacārair daridrāṇāṃ saṃbhavodāramānasaḥ

na toṣitaś śrutai rājñām atītānāṃ ca sāhase /
agamyeṣv api bhūpālaś śaileṣu ca sarassu ca