Rājataraṅginī · Verses 846-865

tasminn avasare kaścid yogirājo jitendriyaḥ /
nyavikṣatonnate stambhe yogābhyāsasya siddhaye

stambhopari navāhāni nirāhāram apaśyataḥ /
tasyāśiṣaiva mahiṣī rājñaḫ putram ajījanat

tapasyatas tathā tasya tatra tan navamaṃ dinam /
rājñas tv anavamaṃ putrajanmakālamahotsavaḥ

[Ps-JRT 116]
hemantānte patati tuhinaṃ phālguṇe valgu valgad dīpasyāpi sphurati sutarāṃ śāntikāle 'tidāhaḥ /
śaityodreko vahati vahati grīṣmakāle tuṣāraṃ vastu prāyaḫ prathayati nijaṃ dharmam āyāti nāśe // JRt_B.1122 //
tapaẖkavacam aspṛṣṭvā tam adho mārgaṇair gatam /
prahartur iva nirdeṣṭuṃ bhaviṣyantīṃ tathā gatim // JRt_B.1123 //
rājamānyaṃ tam ālokya kupyantaṃ śāntamānasaḥ /
nirṇayād acalad varṇī nayān na tu bhayodayāt // JRt_B.1124 //
sa stambhān na mahādhairyād avārohan mahāmanāḥ /
naivārohaj jagaddṛṣṭiṃ sadyo dyām api yogavit // JRt_B.1125 //
"atithiṃ yogapathikaṃ mā vadhīr mām" iti bruvan /
Mlecchamaskariṇā varṇī khaḍgaghātair acūrṇyata // JRt_B.1126 //
atyarthadarśanadveṣān madirāmadamohitaḥ /
sa Mlecchasahito yogirājaṃ tam avadhīc charaiḥ

santaptair malinais sthūlair janānāṃ tadvilokanāt /
bhūtale patitaṃ vāṣpair apavādaiś ca rājani

pṛthvīnātho 'tha tac chrutvā śuddhyartham iva magnavān /
bhīhrīśokakrudhāścaryakṛtyacintārṇaveṣu saḥ

prathamodbhūtaputre 'pi tasminn ahni mahībhujā /
nāsnāyi nābhyavāhāri vyavāhāri na nākathi

anyedyur bhūpatiḫ pṛṣṭasmṛtijñagurukovidaḥ /
hantur daṇḍaṃ vadhaṃ śṛṇvan karuṇāyantrito 'bhavat

pratīpaṃ kharam āropya pratihaṭṭaṃ paribhramam /
naramūtrābhiṣiktasya kūrcasya parikartanam

ṣṭhīvanaṃ sarvalokānāṃ pretāntrair bāhubandhanam /
jīvanmaraṇam ādikṣad daṇḍaṃ tasya kṛśāyateḥ

rājani mlānihīnāni diksaugandhyavahāni ca /
apatan nākapuṣpāṇi paurāśīrvacanāni ca

Madrarājaduhitros sa caturas tanayān nṛpaḥ /
yathā Daśaratho rājā janakān tān ajījanat

jyāyān Ādhamakhānas sa Hājyakhānas tathā paraḥ /
Khāno Jassarathaẖ Khāno Baharāmaś ca sañjñitaḥ

[Ps-JRT 117]
Hindavas Sūhabhaṭṭena balād ye pīḍitā bhṛśam /
paradeśaṃ gatās te tu bibhrato veṣakalpanām // JRt_B.1137 //
nijācāre ratā nityaṃ tadācāradviṣo hṛdā /
svam ācāram anuṣṭhātuṃ preritāś ca dvijair balāt // JRt_B.1138 //
dāritās svatrāṇabhayād utkocārpaṇatatparāḥ /
rakṣitā bhūmipālena tadupadravavāraṇāt // JRt_B.1139 //
Kṣīrārṇavasya mathanāt paratas sudhādiratnāni tāny anupabhoganirarthakāni /
yo nītavān saphalatāṃ kila pātradānāt stutyas sa Mandaragirir girirājavarge

nadīr avaṭapātena bhuvaś cāmbu vināphalāḥ /
saṃyogāt saphalīkṛtya yaśaś citram ajījanat

rājñOtpalapurakṣoṇau kulyāṃ prāpayya vapriṇīm /
tayor nirarthakatvena dūṣaṇāvinivāritā

Nandaśailamarau kulyām avatārya mahīpatiḥ /
asmārayac Cakradharaṃ sāgarāntar nivāsinam

karālambas satāṃ bibhrad akarālaṃ sitaṃ yaśaḥ /
kulyayākārayad deśaṃ Karālākhyaṃ stuteḫ padam

sāgrahārā dvijā yatra sāgrahārāś ca yoṣitaḥ /
sātha Jainapurī rājñā Karāle niramīyata

Avantipurabhūmau ca kāntodantena bhūbhujā /
kulyāvatāritātulyā śālisampattiśālinī