Pramāṇavārttikaṭīkā · Chapter 27

/ .. m ākāram apaśyan* kathaṃ buddhyādhimucyetārthān iti saṃbandhaḥ / kiṃ viśiṣṭayā buddhyety āhāsaṃsṛṣṭetyādi /
v1 /// ro yasminn arthe sa tathoktaḥ / sa yasyā buddher asti sā asaṃsṛṣṭānyākāravatī vibhaktārthagrāhiṇyeti yāvat* / abhilaped vā kathaṃ pratiniyatasaṃketena dhvaninety ākūtaṃ / kasmān nādhimucyetety āha / vibhāgābhāvād bhāvānām iti tatsaṃhāravāda iti / bhedasaṃhāravādo na syāt syād uṣṭra ityādikaḥ / atha punar asaṃsṛṣṭau dadhyuṣṭrau pratipadya saṃh. /

/ .. sarginyā uṣṭrarūpeṇaiva dadhirūpeṇaiva vā saṃsargiṇyā buddher asaṃsṛṣṭākāragrāhiṇyā kvacid uṣṭre dadhini ca yat pratiniyamāt* / tatpratibhāsabhedakṛta eva buddhipratibhāsabhedakṛta eva eva tayor dadhyuṣṭrarūpayoḥ svabhāvabhedo 'pi / kasmāt* / ekāneketyādi pratibhāsabhedasyānekavyavasthitir viṣaya ekavyavasthitiḥ pratibhāsābhedasyeti yojyaṃ / bhinnapratibhāsa .i /

/ .. ti naika uṣṭro dadhi vā tadubhayarūpaḥ dadhyuṣṭrātmakarūpaṃ yasyeti vigrahaḥ / mithyāvāda eva syādvādaḥ / bhedalakṣaṇam iti vyāvṛttilakṣaṇaṃ prakṛtyā sva .. .. .. / ā .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. vānāṃ vastūnāṃ svabhāvabhedaḥ / svabhāvenaivānyasmād vyāvṛttiḥ / tatreti nirūpākhyeṣu /

/ .. .. cānyāpohavādinā śakyaṃ vaktum* / naiva nirupākhyeṣu śabdānāṃ pravṛttir iti yatas teṣv apy avaśyaṃ śabdapravṛttyā bhāvyaṃ kasmāt* kathaṃcit* / jñānaśabdaviṣayatvenāvyavasthāpiteṣu nirūpākhyeṣu sarvatrārthe vidhipratiṣedhāyogāt* / yadi kvacid asata ākārasya niṣedhena jñānābhidhāne syātāṃ tadā niṣiddhākāraparihṛte 'rthe .. /

/ .i .. kau vidhipratiṣedhau / āśrayo yasya vyavahārasya sa tathoktaḥ / tam eva vyavahārābhāvam uṣṭretyādināha / uṣṇasvabhāvo 'gnir ity anvayāśrayo vyavahāraḥ / nānuṣṇa iti vyatirekāśrayaḥ ayam apy atiprasiddho lokavyavahāro na syād ity apiśabdenāha / uṣṇavyavasthā hy anuṣṇavyavacchedena / tasya cānuṣṇasyoṣṇābhā /

/ .. .. .. pyeta tad āha svabhāvāntaretyādi / uṣṇābhāva evoṣṇasvabhāvād antaraṃ vilakṣaṇaṃ tadviraharūpeṇeti svabhāvāntaram uktaṃ / ata evāsata ity etad ghaṭate / na tu svabhāvaviśeṣas svabhāvāntaraṃ / kathaṃcid api vikalpabuddheḥ śabdasya ca viṣayatvenā .. vasthāpanāt* /

/ .. pratipattir yathāgnisvabhāvasyaivaṃ sarvasya padārthasya tato vyāmūḍham aniścitarūpaṃ jagat syāt* / syād etan na tatra vahnyādau kasyacid asato niṣedho yenābhāve 'py avaśyaṃ śabdapravṛtyā bhāvyam iti / codyate kiṃtv anuṣṇaṃ sparśākhyaṃ sad eva vastv eva agneś cārthāntaraṃ niṣidhyata iti / uṣṇo 'gni nānuṣṇaḥ / agnāv anuṣṇasparśo nāstīty evaṃ niṣedhāt katham ityādi co .. /// sad eveti vacanāt satva .i /