Prakāśasaṃhitā · Chapter 1.2

iti śrī paratattavanirṇaye prakāśasaṃhitāyāṃ prathamaparicchede prathamo 'dhyāyaḥ
śrīhaṃsa uvāca
saṃstuto bhagavānevaṃ tadaivotthāya keśavaḥ /
śūnyanāmātha jagṛhe paruṣākhyāṃ tanuṃ hariḥ

puruṣaḥ sarvarūpāṇāṃ vyaktābīja ivasthitaḥ /
sonantātmā vyāptatanuḥ viśvakukṣiritīritaḥ

puruṣādvāsudevādyāścatvāro hyabhavaṃstataḥ /
vāsudevaḥ saṅkarṣaṇaḥ pradyumnaścāniruddhakaḥ

śvetaraktapītanīlāḥ vāsudevādayaḥ kramāt /
muktyaihṛtyai tathā guptai sṛṣṭyai svecchātanurhariḥ

śūnyanāmnī ramādevī śrīrbhūtvā puruṣaṃśritā /
saivamāyājayābhūtvā kṛtiḥśāntiritīritā

vāsudevādi bhāryāsīt sarvadā sānapāyinī /
caturmukho vāsudevaḥ brahmaṇo bimbarūpakaḥ

saṅkarṣaṇaḥ sahasrāsyaḥ phaṇirāḍbimbarūpakaḥ /
pradyumno mārabimbātmā hyatisundaravigrahaḥ

bimbātmā kāmaputrasyāniruddhāsyāniruddhakaḥ /
sakṛddholkādi pañcātmā viśvādyaṣṭatanurhariḥ

vimalādinavātmābhūt samatsyādi daśākṛtiḥ /
śaktyādi dvādaśātmābhūdvārakādi ṣoḍaśarūpavān

ānandādi trayoviṃśadrūpa āsītparātparaḥ /
keśavādi caturviṃśadrūpavānabhavaddhariḥ

ajādi pañcāśadrūpaḥ tatobhūt puruṣottamaḥ /
kālākhyaṣaṣṭhirūpobhūt saṃvatsaraniyāmakaḥ

nārāyaṇādi śatakaḥ sa viśvādi sahasrakaḥ /
parādyanantarūpobhūdātmabheda vivarjitaḥ

tadājñayaiva devī sā ramāpi bahurūpiṇī /
sa tayānantarūpiṇyā anantarūpo ramāpatiḥ

svarato 'pi tayā devyā tatprītyarthaṃ dayānidhiḥ /
layakālāṣṭamāṃśantu nītvā puruṣapuṅgavaḥ

prārambhe sṛṣṭikālasya ajādīnsraṣṭumārabhat