પ્રકાશસંહિતા · અધ્યાય 1.2

ઇતિ શ્રી પરતત્તવનિર્ણયે પ્રકાશસંહિતાયાં પ્રથમપરિચ્છેદે પ્રથમો ઽધ્યાયઃ
શ્રીહંસ ઉવાચ
સંસ્તુતો ભગવાનેવં તદૈવોત્થાય કેશવઃ ।
શૂન્યનામાથ જગૃહે પરુષાખ્યાં તનું હરિઃ

પુરુષઃ સર્વરૂપાણાં વ્યક્તાબીજ ઇવસ્થિતઃ ।
સોનન્તાત્મા વ્યાપ્તતનુઃ વિશ્વકુક્ષિરિતીરિતઃ

પુરુષાદ્વાસુદેવાદ્યાશ્ચત્વારો હ્યભવંસ્તતઃ ।
વાસુદેવઃ સઙ્કર્ષણઃ પ્રદ્યુમ્નશ્ચાનિરુદ્ધકઃ

શ્વેતરક્તપીતનીલાઃ વાસુદેવાદયઃ ક્રમાત્ ।
મુક્ત્યૈહૃત્યૈ તથા ગુપ્તૈ સૃષ્ટ્યૈ સ્વેચ્છાતનુર્હરિઃ

શૂન્યનામ્ની રમાદેવી શ્રીર્ભૂત્વા પુરુષંશ્રિતા ।
સૈવમાયાજયાભૂત્વા કૃતિઃશાન્તિરિતીરિતા

વાસુદેવાદિ ભાર્યાસીત્ સર્વદા સાનપાયિની ।
ચતુર્મુખો વાસુદેવઃ બ્રહ્મણો બિમ્બરૂપકઃ

સઙ્કર્ષણઃ સહસ્રાસ્યઃ ફણિરાડ્બિમ્બરૂપકઃ ।
પ્રદ્યુમ્નો મારબિમ્બાત્મા હ્યતિસુન્દરવિગ્રહઃ

બિમ્બાત્મા કામપુત્રસ્યાનિરુદ્ધાસ્યાનિરુદ્ધકઃ ।
સકૃદ્ધોલ્કાદિ પઞ્ચાત્મા વિશ્વાદ્યષ્ટતનુર્હરિઃ

વિમલાદિનવાત્માભૂત્ સમત્સ્યાદિ દશાકૃતિઃ ।
શક્ત્યાદિ દ્વાદશાત્માભૂદ્વારકાદિ ષોડશરૂપવાન્

આનન્દાદિ ત્રયોવિંશદ્રૂપ આસીત્પરાત્પરઃ ।
કેશવાદિ ચતુર્વિંશદ્રૂપવાનભવદ્ધરિઃ

અજાદિ પઞ્ચાશદ્રૂપઃ તતોભૂત્ પુરુષોત્તમઃ ।
કાલાખ્યષષ્ઠિરૂપોભૂત્ સંવત્સરનિયામકઃ

નારાયણાદિ શતકઃ સ વિશ્વાદિ સહસ્રકઃ ।
પરાદ્યનન્તરૂપોભૂદાત્મભેદ વિવર્જિતઃ

તદાજ્ઞયૈવ દેવી સા રમાપિ બહુરૂપિણી ।
સ તયાનન્તરૂપિણ્યા અનન્તરૂપો રમાપતિઃ

સ્વરતો ઽપિ તયા દેવ્યા તત્પ્રીત્યર્થં દયાનિધિઃ ।
લયકાલાષ્ટમાંશન્તુ નીત્વા પુરુષપુઙ્ગવઃ

પ્રારમ્ભે સૃષ્ટિકાલસ્ય અજાદીન્સ્રષ્ટુમારભત્