Phaladeepika · Chapter p9

praṣṭakavargaphala
arkasthitasya navamo rāśiḥ pitṛgṛhaḥ smṛtaḥ
tadrāśiphalasaṃkhyābhirvarddhayeckṣodhyapiṇḍakam

saptaviṃśahṛtāllabdhaṃ nakṣatraṃ yāti bhānuje |
tasmin kāle pitṛkleśo bhaveṣyati na saṃśayaḥ

tattrikoṇagate vā'pi pitṛtulyasya vā mṛtaḥ |
saṃyogaḥ śodhyaśiṣāṇāṃ śodhyapiṇḍa iti smṛtaḥ

lagnātsukheśvarāṃśeśadaśāyāṃ ca pitṛkṣayaḥ |
sukhanāthadaśāyāṃ vā pitṛtulyamṛtiṃ vadet

saṃśodhya piṇḍaṃ sūryasya randhramānena varddhayet |
dvādaśena hatāccheṣarāśiṃ yāte divākare

tattrikoṇagate vā'pi maraṇaṃ tasya nirdiśet |
evaṃ grahāṇāṃ sarveṣāṃ cintayenmatimānnaraḥ

candrātsukhaphalaiḥ pinḍaṃ hatvā sārāvaśeṣitam |
śanau yāte mātṛhāniḥ trikoṇarkṣagate'pi vā

candrātsukhāṣṭameśaṃśatrikoṇe videsādhipe |
mātuviṃyogaṃ tanmāse nirdiślellagnataḥ pituḥ

bhaumāttṛttīyarāśisthaphalaibhrātṛgaṇaṃ vadet |
budhātsukhaphalairbandhugaṇaṃ vā mātulasya ca

gurusthitasutasthāne yāvatāṃ vidyate phalam |
śatrunīcagrahaṃ syaktvā śeṣāstasyātmajāḥ smṛtāḥ

guroraṣṭakavarge tu śodhyaśiṣṭaphalāni vai |
krūrarāśiphalaṃ tyaktvā śeṣāstasyātmajāḥ smṛtāḥ

phalādhikaṃ bhṛgoryatra tatra bhāryājaniryadi |
tasyāṃ vaṃśābhivṛddhiḥ syādalpe kṣīṇārthasaṃtatiḥ

śodhyapiṇḍaṃ śanerlagnāddhatvā randhraphalaiḥ sukhaiḥ |
hṛtvāvaśeṣabhaṃ yāte mande jīve'pi vā mṛtiḥ

lagnādimandāntaphalaikyasaṃkhyā-
varṣe vipattistu tathārkaputrāt |
yāvadvilaggāntaphalāni tasmin-
nāśo hi tadyogasamānavarṣe

aṣṭamastthaphalairlagnātpiṇḍaṃ hatvā sukhairbhajet |
phalamāyuvijānīyātprāgvadvelāṃ tu kalpayet
trikoṇa śodhana
trikoṇeṣu tu yannyūnaṃ tattulyaṃ triṣu śodhayet |
ekasmin bhavane śūnye tatrikoṇaṃ na śodhayet

bhavanadvayaśūnye tu śodhayedanyamandiram |
samatve sarvageheṣu sarvaṃ saṃśodhayettadā

ekādhipatya śodhana
trikoṇaśodhanāṃ kṛtvā praścadaikāhipatyakam |
kṣetredvaye phalāni syustadā saṃśodhayetsudhīḥ

grahayukte phalairhīne grahābhāve phalādhike |
ūnena sadṛśantvasmin śodhayedgrahavarjite

phalādhike grahairyukte cānyasmin sarvamtsṛjet |
sagrahāgrahatulyatve sarvaṃ saṃśodhyamagrahāt

ubhābhyāṃ grahahīnābhyāṃsamatve sakalaṃ tyajet |
ubhayorgrahasaṃyukte na saṃśodhyaṃ kadācana

ekasmin bhavane śūnye na saṃśodhyaṃ kadācana |
dvāvagrahau cedyannayūnaṃ tattulyaṃ śodhayeddvayoḥ

śodhyāvaśiṣṭaṃ saṃsthāpya rāśimānena varddhayet |
grahayukte'pi tadrāśau grahamānena varddhayet

rāśi guṇaka āura graha guṇaka
gosiṃhau daśaguṇitau vasubhirmithunālibhe |
vaṇiṅmeṣau ca munibhiḥ kanyakāmakare śaraiḥ

śeṣāḥ svamānaguṇitāḥ karkicāpaghaṭībhuṣāḥ |
ete rāśiguṇāḥ proktāḥ pṛthaggrahaguṇāḥ pṛthak

jīvāraśukrasaumyānāṃ daśavasumaptendriyaiḥ kramādguṇitā |
budhasaṃkhyā śeṣāṇāṃ rāśiguṇādgrahaguṇaḥ pṛthakkāryaḥ

evaṃ gunitvā saṃyojya saptabhirguṇayetpunaḥ |
saptaviṃśahṛtālabdhavarṣāṇyatra bhavanti hi

dvādaśādguṇayellabdhā māsāharghatikāḥ kramāt |
saptaviṃśati varśāṇi maṇḍalaṃ śodhayetpunaḥ

anyo'nyamarddhaharaṇaṃ grahayukte tu kārayet |
nīce'rddhamastage'pyarddhaharaṇaṃ teṣu kārayet

śatrukṣetre tribhāgonaṃ dṛśyārddhaharaṇaṃ tathā |
tryaṃśonaharaṇaṃ bhaṅge sūryendvoḥ pātasaṃśrayāt

bahutve haraṇe prāpte kārayedvalavattaram |
paścāttān sakalān kṛtvā varāṅgeṇa vivarddhayet

mātaṅgalabdhaṃ śuddhāyurbhavatīti na saṃśayaḥ |
pūrvavaddinamāsābdān kṛtvā tasya daśā bhavet

evaṃ grahānāṃ sarveṣaṃ daśāṃ kuryāt pṛthak pṛthak |
aṣṭavargadaśāmārgaḥ sarveṣāmuttamottamaḥ

balo baliṣto lavaṇāgamosuro
rāgī murariḥ śikharīndragāthayā
bhaumo gaṇendro laghubhāvatāsuro
gokarṇaraktā tu puraṇarmathilī

rudraḥ paraṃ gahvaraṃbhairavasthalī
rāgī valī bhāsvaragīrbhagācalāḥ |
girau vivasvānbalavadvivakṣayā
śulī mama prītikaro'tra tīrthakṛt

sarvakarmaphalopetamaṣṭavargakamucyate |
anyathā balavijñānaṃ durjñeyaṃ guṇadoṣajam

triṃśādhikaphalā ye syū rāśayaste śubhapradāḥ |
pañcaviṃśātparaṃ madhyaṃ kaṣṭaṃ tasmādadhaḥ phalam

madhyātphalādhikaṃ lābhe lābhāt kṣīṇatare vyaye |
yasya vyayādhike lagne bhogavānarthavān bhavet

mūrtyādi vyayabhāvāntaṃ dṛṣṭvā bhāvaphalāni vai |
adhike śobhanaṃ vidyāddhīne doṣaṃ vinirdiśet

ṣaṣṭhāṣṭhamavyayāṃstyaktvā śeṣeṣveva parakalpayet |
śreṣṭharāśiṣu sarvāṇi śubhakāryāṇi kārayet

lagnātprabhṛti mandāntamekīkṛtya phalāni vai |
saptabhirguṇayetpaścātsaptaviṃśahṛtātphalam

tatsamānagate varṣe duḥkhaṃ vā rogamāpnuyāt |
evaṃ mandāni lagnāntaṃ bhaumarāhvostathā phalam

śubhagrahāṇāṃ saṃyogasamānābde śubhaṃ bhavet |
putravittasukhādīni labhate nātra saṃśayaḥ

saṃgraheṇa mayā proktamaṣṭavargaphalaṃ tviha |
tajjñairvistarataḥ proktamanyatra paṭubuddhibhiḥ