Phaladeepika · Chapter p8

roganirṇaya
rogasya cintāmapi rogabhāvasthitairgrahairvā vyayamṛtyusaṃsthaiḥ |
rogeśvareṇāpi tadanvitairvā dvitryādisamvādavaśādvadantu

pittoṣṇajvaratāpadehatapanāpasmārahṛtkroḍaja-
vyādhīnvakti ravirdṛgārtyaribhayaṃ tvagdoṣamasthistrutim |
kāṣṭhāgnyastraviṣātidāratanayavyāpaccatuṣpādbhayaṃ
corakṣmāpatidharmadevaphaṇabhṛdbhūteśabhūtaṃ bhayam

nidrālasyakaphātisārapiṭakāḥ śītajvaraṃ candramāḥ
śṛṅgayabjāhatimagnimāndyamaruciṃ yoṣivdyathākāmilāḥ |
cetaḥ śāntimasṛgvikāramudakādbhitiṃ ca bālagrahād
durgakinnaradharmadevaphaṇabhṛdyakṣyāśca bhītiṃ vadet

tṛṣṇāsṛkkopapittajvaramanalaviṣāstrātikuṣṭākṣirogān
gulmāpasmāramajjāvihatiparuṣatāpāmikādehabhaṅgān |
bhūpāristenapīḍāṃ sahajasutasuhṛdvairiyuddhaṃ vidhatte
rakṣogandharvaghoragrahabhayamavanīsūnurūrdhvaṅgarogam

bhrāntiṃ durvacanaṃ dṛgāmayagaladhrāṇottharogaṃ jvaraṃ
pittaśleṣmasamīrajaṃ viṣamapi tvagdoṣapāṇḍvāmayān
duḥsvapnaṃ ca vicarcikāgnipatane pāruṣyabandhaśramān |
gandharvakṣitiharmyavāhibhirapi jño vakti pīḍāṃ grahaiḥ

gulmāntrajvaraśokamohakaphajān śrotrārtimohāmayān
devasthānanidhiprapīḍanamahīdeveśaśāpodbhavam |
rogaṃ kinnarayakṣadephaṇa bhṛdvidyādharādyudbhavaṃ
jīvaḥ sūcayati svayaṃ budhagurūtkṛṣṭāpacārodbhavam

pāṇḍuśleṣmamarutprakopanayanavyāpatpramehāmayān
guhyastyāmayamūtrakṛcchramadanavyāpattiśuklasrutim |
dārastrīkṛtadehakāntivirhati śoṣāmayaṃ yoginī-
yakṣīmātṛgaṇādbhayaṃ priyasuhṛdbhaṅgaṃ sitaḥ sūcayet

vātaśleṣmavikārapādavihatiṃ cāpattitandrāśramān
bhrāntīṃ kukṣirugantaruṣṇabhṛtakadhvaṃsaṃ ca pārśvahatim |
bhāryāputravipattimaṅgvihartiṃ hṛttāpamarkatmajo
vṛkṣāśmakṣatimāha kaśmalagaṇaiḥ pīḍāṃ piśācādibhiḥ

svarbhānuhṛdī tāpakuṣṭhavimati vyārdhaṃ viṣaṃ kṛtrimaṃ
pādārti ca piśāca pannagabhayaṃ bhāryātanūjāpadam |
brahmakṣatravirodhaśatrujabhayaṃ ketustu saṃsūcayet
pretotthaṃ ca bhayaṃ viṣaṃ ca guliko dehārtamāśaucajam

mandārānvitavīkṣite vyayadhane candrāruṇau cākṣiruk
śauryāṅgiraso yamāra sahitā dṛṣṭā yadi śrotraruk |
sogre pañcamabhe bhavedudararugrandhrārināthānvite
tadvatsaptamanaidhane sagudarukchukre ca guhyāmayaḥ

ṣaṣṭhe'rke'pyathavāṣṭame jvarabhayaṃ bhaume ca ketau vraṇaṃ
śukre guhyarujaṃ kṣayaṃ suragurau mande ca vātāmayam |
rāhau bhaumanirīkṣite ca pilakāṃ sendau śanau gulmajaṃ
kṣīṇendau jalabheṣu pāpasahite tatsthe'mburogaṃ kṣayam

jāto gacchati yena kena maraṇaṃ vakṣye'tha tatkāraṇaṃ
randhrasthaistadavekṣarkairbalavatā tasyoktarogaimṛtiḥ |
randharkṣoktarujāthavā mṛtapatiprāptarkṣadoṣeṇa vā
randhreśena kharatribhāgapatinā mṛtyuṃ vadenniścitam

graheṇa yukte nidhane taduktarogairmṛtirvā'tha tadīkṣakasya
grahairvīmukte nidhane'tha tasya rāśeḥ svabhāvoditadoṣajātā

agnyuṣṇajvarapittaśastrajaminaścandro viṣūcyamburu-
gyakṣmādi kṣitijo'sṛjā ca dahanakṣudrābhicārāyudhaiḥ |
pāṇḍvādi bhramajaṃ budho gururanāyāsena mṛtyuṃ kaphāt
strīsaṅgottharujaṃ kavistu marutā vā saṃnipātaiḥ śani

kuṣṭhena vā kṛtrimabhakṣaṇādvā rāhurvīṣādvātha masūrikādyaiḥ |
kuryācchikhī durmaraṇaṃ narāṇaṃ riporvirodhādapi kīṭakādyaiḥ

lagnādaṣṭamarāśeḥ svabhāvadoṣodbhavaṃ vadenmṛtyum |
nidhaneśasya navāṃśasthitarāśinimittadoṣajanitaṃ vā

paittyajvaroṣṇairjaṭharāgnināje
vṛṣe tridoṣairdanācca śastrāt |
yugme tu kālaścasanoṣṇaśūlai-
runmādavātārucibhiḥ kulīre

mṛgajvarasphoṭajaśatrujaṃ harau
striyāṃ striyāguhyajā prapātanāt |
tulādhare dhījvarasaṃnipātajaṃ
plīhālipāṇḍugrahaṇīrujālini

vṛkṣāmbukāṣṭāyudhajaṃ hayāṅga
mṛge tu śūlācidhībhramādyaiḥ |
kumbhe tu kāsajvarayakṣmarogai-
rjale vipadvā jalarogato'ntye

pāparkṣayukte nidhane sapāpe
śastrānalavyādhrabhujaṅgapīḍā |
anyonyadṛṣṭau vdyaśubhau sakendrau
kopātprabhoḥ śastraviṣāgnijairvā

saumyāṃśake saumyagṛhe'tha saumya-
sambandhage vā kṣayabhe kṣayeśe |
akleśajātaṃ maraṇaṃ narāṇāṃ
vyaste tadā krūramṛtī vadanti

svocce svamītre sati saumyavarge
vyayādhipe cordhvagatī sasaumye |
viparyaye'dhogatimeva kecit-
urdhvasyaśīrṣodayarāśibhedāt

kelāsaṃ raviśītagū bhṛgusutaḥ svarga mahījo mahīṃ
vaikuṇṭhaṃ śaśijo yamo yamapuraṃ sadbrahmalokaṃ guruḥ |
dvīpān bhogivaraḥ śikhī tu nirayaṃ samprāpayet prāṇinaḥ
sambandhāvdyayanāyakasya kathayettatrāntyarāśyaṃśataḥ

dharmeśvareṇaiva hi pūrvajanma
vṛttaṃ bhaviṣyajjananaṃ suteśāt |
tadīśajātīṃ tadadhiṣṭhitarkṣa
diśaṃ hi tatraiva tadīśadeśam

svocce tadīśe sati devabhūmī
dvīpantaraṃ nīcaripusthnalasthe |
svarkṣe suhṛdbhe samabhe sthite vā
samprāpnuyādbhāratavarṣameva

āryavartaṃ gīṣpateḥ śuyanadyaḥ
kāvyendvośca jñasya puṇyasthalāni |
paṅgonīndyā mlecchabhūstīkṣṇabhānoḥ
saulāraṇyaṃ kīkaṭaṃ bhūmijasya

sthire sthirāṃśādhigataḥ sapāpaḥ
pṛṣṭhodaye'dhomukhabhe ca saṃsthaḥ |
tadīśvaro vṛkṣalatādijanma
syādanyathājīvayutaḥ śarīrī

lagneśituḥ svoccasuhṛtsvagehān
tadīśvaro yāti manuṣyajanma |
same mṛgāḥ syuvīhagāḥ parasmin
drekkāṇarūpairapi cintanīyam

tādhekarāśau jananaṃ svadeśe
tau tulyavīryau yadi tulyajātau |
varṇo guṇastasya khagasya tulyaḥ
saṃjñoditaireva vadetsamastam