Phaladeepika · Chapter p10

varga- vibhāga
kṣetratribhāganavabhāgadaśāṃśahorātriṃśaṃśasaptalavaṣaṣṭilavāḥ kalāṃśāḥ |
te dvādaśāṃśasahitā daśavargasaṃjñā vargottamo nijanije bhavane navāṃśaḥ ||
daśāṃśaṣaṣṭyaṃśakalāṃśahīnāste saptavargāśca visaptamāṃśāḥ
ṣaḍvargasaṃjñāstvatha rāśibhāvatulyaṃ navāṃśasya phalaṃ hi kecit

kṣetreṣu pūrṇamuditaṃ phalamanyavarge-
ṣvarddhaṃ kalādaśamaṣaṣṭilaveṣu pādam |
bālaḥ kumārataruṇau pravayā mṛtaḥ ṣaḍ
bhāgaḥ kramādyuji viparyayamityavasthāḥ

kṣetrasyārddhaṃ hi horā tvayuji ravisudhāṃśvoḥ same vyastametad
dreṣkāṇeśāstribhāgaistanusutaśubhapā dvādaśāṃśastu lagnāt |
bhaumārkīḍyajñaśukrāḥ śiśujasamalavā hyojabhe yugmabhe tad-
vyastaṃ triṃśāṃśanāthāḥ kriyamakaratulāḥ karkaṭādyā navāṃśāḥ

yajñaṃ ratna janaṃ dhanaṃ naya paṭaṃ rūpaṃ śukaṃ ciṭinā
nāgaṃ yoga khagaṃ balaṃ bhaga śilā dhūlirnavaṃ prasvanam |
lābhaṃ viśva divaṃ rama dhamaṃ ṣaṣṭyaṃśakāścaujabhe
krūrākhyāḥ samabhe viparyayamidaṃ śeṣāstu saumyāhvayāḥ

svāt saptāṃśadaśāṃśakau tu viṣame tu kāmācchubhāt
svādīśāśca kalāṃśapā vidhiharīśārkaḥ samarkṣe'nyathā |
khyātaiḥ koṇayutaistrikoṇabhavanasvarkṣoccakendrottamai-
rvargāḥ sapta daśa trayodaśamitā vargāḥ pradiṣṭāḥ paraiḥ

vargānyojayatu trayodaśa suhṛtsvarkṣoccabheṣu kramād-
dvistriḥ pañca caturnādrivasuṣaṭsaṃkhyāsu vargaikyataḥ |
prāhuścottamapārijātakathitau siṃhāsanaṃ gopuraṃ
cetyayrāvatadevalokasuralokāṃśāṃśca pārāvatam

āryanilpaguṇārthasaukhyavibhavānyaḥ pārijātāṃśakaḥ
svācāraṃ vinayānvitaṃ nipuṇaṃ yadyuttamāṃśe sthitaḥ |
kheto gopurabhāgagaḥ śubhamatiṃ svakṣetrago mandiraṃ
yaḥ siṃhāsanago nṛpendradayitaṃ bhūpālapulyaṃ naram

śreṣṭhāśvadvipavāhanādi vibhavaṃ pārāvatādhiṣṭhitaḥ
satkīrtiṃ yadi devalokasahito bhūmaṇḍalādhīśvaram |
vandyaṃ bhūpatibhiḥ surendrasadṛśaṃ tvairāvatāṃśāsthitaḥ
sadbhāgyaṃ dhanadhānyaputrasahitaṃ bhūpaṃ vidadhyād grahaḥ

yadvargeṣvakhileṣu mṛtyurabaleṣvatrātha vakṣye kramā-
nnāśaṃ duḥkhamanarthatāṃ ca visukhaṃ bandhupriyaṃ tadvaram |
bhūpeṣṭaṃ dhaninaṃ nṛpaṃ nṛpavaraṃ varge baliṣṭhe'khile
vadhiṣṇuṃ sukhinaṃ nṛpaṃ gadamṛtī bālādyavasthāphalam

ṣaḍvargeṣu śubhagrahādhikaguṇaiḥ śrīmāṃściraṃ jīvati
krūrāṃśe bahule vilagnabhavane dīno'lpajīvaḥ śaṭhaḥ |
tannāthā balino nṛpo'styatha navāṃśeśo dṛgāṇeśvaro
lagneśaḥ kramaśaḥ sukhī nṛpasamaḥ kṣoṇipatirbhagyavān

oje krūre'rkahorāṃ gatavati balavān krūravṛttirdhanāḍhyo
yugme cāndrīṃśubheṣu dyutivinayavacohṛdyasaubhāgyayuktaḥ |
vyastaṃ vyaste'tra miśre samaphalamuditaṃ lagnacandrau baliṣṭhau
tannāthau dvau ca tadvadyadi bhavati ciraṃjīvyaduḥkhī yaśasvī

siṃhājāśvitulānṛyugmabhavaneṣvantyā hayājādimāḥ
madhyau strīyamayorihāyudhabhṛtaḥ pāśolimadhyo bhavet |
nakrādyo nigalo mṛgendraghaṭayorādyo vaṇiṅmaḥdhyamo
gṛdhrāsyo vṛṣabhāntimaśca vihagaḥ karkyādi kolānanam

kaurpyadyaḥ karkaṭāntyo bhūṣacaramamahiścājagomadhyasiṃhā-
dyalyantyaṃ syāccatuṣpādiha phalamadhanakrūranindyā daridrāḥ |
dvandvarkṣe syurdṛgāṇairadhamasamaśubhānyasthire cotkrameṇa
prāhustajjñāḥ sthirarkṣeṣvaśubhaśubhasamānyeva lagne phalāni

drekkāṇeśe svavarge śubhakhagasahite svoccamitrarkṣage vā
tadva triṃśāṃśanāthe balavati yadi ced dvādaśāṃśādhipe vā
horānāthe tathā cennikhilaguṇagaṇo nityaśuddhapravīṇo
dīrghāyuḥ syāddayāvān sutadhanasahitaḥ kīrtimānrājabhogaḥ

māndistharāśipatisaṅgatasutrikoṇaṃ
tasyāṃśarāśipatisaṃyutamaṃśakoṇam |
lagnaṃ vadanti gulikāṃśakarāśikoṇaṃ
tadvadvidhau balayute śaśinaiva vidyāt

kuryādātmasuhṛddṛgāṇagaśaśī kalyāṇarūpaṃ guṇaṃ
śreyāṃsyuttamavargajastvaparagastannāthajātān guṇān |
svatriṃśāṃśagatā grahā vidadhate tatkārakatvoditaṃ
tatraiko'pi suhṛdgrahekṣitayutaḥ svocce'rthayuktaṃ nṛpam

svocce pradīptaḥ sukhitastrikoṇe svasthaḥ svagehe muditaḥ suhṛbhe |
śāntastu saumyagrahavargayuktaḥ śakto mato'sau sphuṭaraśimajālaḥ

grahābhibhūtaḥ sa nipīḍitaḥ syāt khalastu pāpagrahavargayātaḥ |
suduḥkhitaḥ śatrugṛhe grahendro nīce'tibhīto vikalo'stayātaḥ

pūrṇaṃ pradīptā vikalāstu śūnyaṃ madhye'nupātācca śubhaṃ krameṇa |
anukrameṇāśubhameva kuryurnāmānurūpāṇi phalāni teṣām