Phaladeepika · Chapter p25

niryāṇaprakaraṇa
tattadbhāvādaṣṭameśasthitāṃśe tattrikoṇage |
vyayeśasthitabhaṃśe vā mande tadbhāvanāśanam

randhreśe guliko mandaḥ kharadrekkāṇapā'pi vā |
yatra tiṣṭhati tadbhaṃśatrikoṇe ravije mṛtaḥ

udyaddṛgāṇanāthasya tathā randhrādhipasya ca |
randhradrekkāṇapasyāpi bhāṃśakoṇe gurau mṛtiḥ

svasphuṭadvādaśāṃśe vā randhreśasthanavāṃśake |
lagneśasthanavāṃśe vā tattrikoṇe'pi vā mṛtiḥ

randhrabhorvā bhānorvā bhānorvābhāṃśakoṇaṃ gate vidhau |
mṛtiṃ vadetsarvametallagnāccadrācca cintayet

lagneśahīnayamakaṇṭakabhāṃśakoṇaṃ
prāpte'thavā śanivihīnahimāṃśubhāṃśam |
yāte gurau svamaraṇantvatha rāhuhīna-
bhūsūnubhāṃśakagurau sahajapraṇāśaḥ

bhānoḥ kaṇṭakavarjitasya bhavanāṃṣe vā trikoṇe gurau
tāto naśyati kaṇṭakonagulikarkṣaṃśatrikoṇe śanau |
arkonendugṛhaṃśakoṇagagurau candronamandātmaja-
kṣetreṃ'śe'pyathavā trikoṇagṛhage mande jananyā mṛti

vadetpratyarinakṣatranāthācca yamakaṇṭakam |
tyaktvā tadbhavane koṇe gurau putravināśanam

lagnārkamāndisphuṭayogarāśeradhīśvaro yadbhavanopagastu |
tadrāśisaṃsthe puruhūtavandye tatkoṇage vā mṛtimeti jātaḥ

māndisphuṭe bhānusuṭaṃ viśodhya
rāśyaṃśakoṇe ravije mṛtaḥ syāt |
dhūmādipa~cagrahayogarāśi-
drekkāṇayāte'rkamute ca mṛtyuḥ

vilagnamandisphuṭayogabhāṃśaṃ
niryaṇamāsaṃ pravadanti tajjñāḥ |
niryaṇacandro gulikenduyogo
lagnaṃ vilagnārkisutenduyogaḥ

māndisphuṭoditanavāṃśagate'maraḍye
taddvādaśāṃśasahite dinanāthasūnau |
drekkāṇakoṇabhavane dinape ca mṛtyu-
rlagnendumāndiyutabheśagatodaye syāt

gulikaṃ ravisūnuṃ ca guṇitvā navasaṃkhyayā |
ubhayoraikyarāśyaṃśagṛhage ravije mṛtiḥ

sphuṭe vilagnanāthasya viśodhya yamakaṇṭakam |
tadrāśinavabhāgasthe jīve mṛtyurna saṃśayaḥ

ṣaṣṭhāvasānarandhreśasphuṭaikyabhavanaṃ gate |
tattrikoṇopage vā'pi mande mṛtyubhayaṃ nṛṇām

udyaddṛgāṇapatirāśigate sureḍye
tasya trikoṇamapi gacchati vā vināśam |
randhratribhāgapatimandirage'tha mande
prāpte trikoṇamathavāsya vadanti mṛtyum

vilagnajanmāṣṭamarāśināthayoḥ
kharatribhāgeśvarayostayorapi |
śaśāṅkamāndyorapi durbalāṃśaka-
trikoṇage sūryasute mṛtirbhavet

lagnādhipasthitanavāṃśakarāśitulyaṃ
randhrādhipasya gṛhamāpatite ghaṭeśe |
tasminvadenmaraṇayogamanekaśāstra-
saṃkṣuṇṇakhinnamatibhiḥ parikīrtitaṃ tat

śaśāṅkasaṃyuktadṛgāṇapūrvataḥ
kharatribhāgeśagṛhaṃ gate'pi vā |
trikoṇage vā maraṇaṃ śarīriṇāṃ
śaśinyatha syāttanurandhrariḥphage

nidhaneśvaragatarāśau bhānāvindau tu bhānugatarāśau |
nidhanādhipasaṃyukte nakṣatre nirdiśenmaraṇam

yo rāśirgurlikopetaḥ tattrikoṇagate śanau |
maraṇaṃ niśijātānāṃ divijānāṃ tadastake

gururāhusphuṭaikyasya rāśiṃ yāto gururyadā |
tadā tu nidhanaṃ vidyāttattrikoṇagato'thavā

aṣṭamasya tribhāgāṃśapatisthitagṛhaṃ śanau |
tadīhanavabhāgarkṣaṃ gate vā maraṇaṃ bhavet

janmakāle śanau yasya janmāṣṭamapaterapi |
rāśeraṃśakarāśervā trikoṇasthe śanau mṛtaḥ

niśīndurāśau cejjanma māndibhe'ṃśe mṛtiḥ |
divārkabhe cettaddyūnatrikoṇe vā śanau mṛtiḥ

randhreśvarādyāvati bhe māndistāvati bhe tataḥ |
śaniścenmaraṇaṃ brūyāditi sadgurubhāṣitam

janmakālīnamṛgujātkāmaśatru vyaye ravau |
maraṇaṃ niścitaṃ bruyāditi sadgurubhāṣitam

tiṣṭhantyaṣṭamariḥphaṣaṣṭhapatayo randhratribhāgeśvaro
māndiryadbhavaneṣu teṣvapi gṛheṣvārkīḍayasūryendavaḥ |
sarve cāravaśātprayānti hi yadā mṛtyustadā syānnṛṇāṃ
teṣāmaṃśavaśādvadantu nidhanaṃ tattattrikoṇe'pi vā