Phaladeepika · Chapter p24

dvādśa bhāvaphala
lagnanavaṃśapatulyatanuḥ syādvīryayuttagrahatulyatanurvā
candrasametanavāṃśapavarṇaḥ kādivilagnavibhaktabhagātraḥ

lagneśe kendrakoṇe sphuṭakaranikare svoccabhe vā svabhe vā
kendrādanyatrasaṃsthe nidhanabhavanape saumyayukte vilagne |
dīrghayuṣmāndhanāḍhyo mahitaguṇayuto bhūmipālapraśasto
lakṣmīvān sundarāṅgo dṛḍhatanurabhayo dhārmikaḥ satkuṭumbī || २
satsaṃbandhayute kalevarapatau sadgrāmavāso'thavā
satsaṅgaḥ prabalagraheṇa sahite vikhyātabhūpāśrayaḥ |
svoccasthe nṛpatiḥ svayaṃ svagṛhage tajjanmabhūmau sthitiḥ
sañcāraścarabhe sthitiḥ sthiragṛhe dvadvaṃ dvirūpaṃ phalam

vikhyātaḥ kiraṇojvale tanupatau susthe sukhī vardhano
duḥsthe duḥkhyasadṛkṣanīcabhavane vāso nikṛṣṭasthale |
svastho jīvati śaktimatyudayabhe varddhiṣṇarūrjasvalo
niḥśaktau nihato vipadbhirasakṛtkhinno bhavedāturaḥ

arthasvāmini mukhyabhāvajuṣi satsvarthe kuṭumbaśriyā
sarvotkṛṣṭaguṇo dhanī ca sumukhī syāddūradarśī naraḥ |
sambandhe saviturdvitīyapatinā lopakārakṣamāṇ
vidyāmarthamavāpnuyādatha śaneḥ kṣudrālpavidyārataḥ

jaive vaidikadharmaśāstranipuṇo baudhe'rthaśastre paduḥ
śṛ~garokti paṭurbhṛgorhimaruceḥ kiñcitkalāvidhbhavet |
kauje krūrakalā paṭuśca piśuno rāhau sthite lohalaḥ
ketau bhraśyadalīkavāgdhanagatiḥ pāpaiśca mūḍho'dhanaḥ

bandho yadi syāttanuśauryanāthago-
ranyonyarāśisthatayorbalāḍhyayoḥ |
dhairyaṃ ca śauryaṃ sahajānukūlatāṃ
prāpnotyayaṃ sāhasakāryakartṛtām

śauryape balini sadgrahayukte kārake'pi śubhabhāvamupete |
bhrātṛ vṛddhiratha vīryavihīne duḥsthane bhavati sodaranāśaḥ

ayugmarāśau yadi kārakeśau
gurvarkabhūsūnunirīkṣitau cet |
ojo gṛhaḥ syādadi vikramākhyaḥ
puṃbhrātarastvaṃśavaśāḍbhaveyuḥ

duḥsthāne sukhape śaśinyapi satāṃ yogekṣaṇairvajite
pāpāntaḥsthitimatyasadgrahayute dṛṣṭe jananyā mṛtiḥ
etau dvāvapi vīryagau śubhayutau dṛṣṭau śubhairbandhugai-
rmātuḥ saukhyakarau vidhośca sukhagaiḥ saumyairvadettatsukham

lagneśe sukhage'thavā sukhapatau lagne tayorīkṣaṇī
yoge vā śaśinastathā yadi karotyantyāṃ svamātuḥ kriyām |
anyonyaṃ yadi śatrunīcabhavane ṣaṣṭhāṣṭhame vā tayo
rmāturnopakaroti nāśasagaye bandhastayorvā na cet

mātrṛbhāvoktavadvācyaṃ pitṛbhrātṛsutādiṣu |
bhāvakarakabhāveśalagnalagneśvarairvadet

susthau sukheśabhṛgujau tanubandhuyuktā
vāndolikāṃ janapateśvaratāṃ vidhattaḥ |
svarṇadyanardhyamaṇibhūṣaṇapaṭṭaśayyā-
kāmopabhogakaraṇāni ca gogajāśvān

duḥsthe sukheśe kujasūryakte
sukhe'pi vā janmagṛhaṃ pradagdham |
jīrṇaṃ tamomandayute'riyukte
parairhṛtaṃ gokṣitivāhanādyam

saumyarkṣaṃśe saumyayukte pañcame vā tadīśvare |
vaiśeṣikāṃśe sadbhāve dhīmānniṣkapaṭī bhavet

sthitiḥ pāpānāṃ vā dviṣati balayuktāripatinā
yuto vā dṛṣṭo vā yadi ripugṛhe vā tanupatiḥ |
arīśaḥ kendre vā'pyaśubhakhagasaṃvīkṣitayuto
ripūṇāṃ pīḍāṃ drāgbhṛśamaparihāryaṃ vitanute

ṣaṣṭheśvarādatibalinyudayādhināthe
saumyagrahāṃśasahite śubhadṛṣṭayukte |
saukhyeśvare'pi sabale yadi kendrakoṇe-
ṣvārogyamāgyasahito dṛḍhagātrayuktaḥ

śatrunāthe tu duḥsthāne nīcamūḍhārisaṃyute
ṭasmādbalādhyelagneśe śatrunāśaṃ ravau śubhe

yadbhāveśayuto vairinātho yadbhāvasaṃścitaḥ |
ṣaṣṭasthito yadbhāveśaste bhāvāḥśatrutāṃ yayuḥ

satsaṃbandhayute saptarkṣe tadīśe balānvite |
patiputravatī ṣaḍhvī bhāryā sarkguṇairvṛtā

kendrādanyatra radhreśe lagneśāddurbale sati |
nādhirna vighno na kleśo nṛṇāmāyuściraṃ bhavet

dharme kuje vā sūrya vā duḥsthe tannāyake sati |
pāpamadhyagate vā'pi piturmaraṇamādiśet

divā sūrye niśā mande susthe śubhanirīkṣite |
dharmeśe balasaṃyukte ciraṃ jīvati tatpitā

mandārayoḥ śītarucau ca sūrye trikoṇage tajjananīpitṛbhyām |
tyatko bhavecchakrapurohitena dṛṣṭe tanūjo'sti sukhī cirāyuḥ

śanirbhagyādhipaḥ syācceccarastho na śubhekṣitaḥ |
sūrye duḥsthānage'pyanyapitaraṃ hyupajīvati

dharme tadīśe vā mandayukte dṛṣṭe'pi vā care |
jāto datto bhavennūnaṃ vyayeśe balaśālini

nabhasi śubhakhage vā tatpatau kendrakoṇe
balini nijagṛhocce karmage lagnapi vā |
mahitapṛthuyaśāḥ syāddharmakarmapradṛttaḥ
nṛpatisadṛśabhāgyaṃ dīrghamāyuśca tasya

urjasvī janavallabhe daśamage sūrye kuje vā mahat
kāryaṃ sādhayati pratāpabahulaṃ kheśaśca sustho yadi |
savdyāpāravtīṃ kriyaṃ vitanute saumyeṣu sacchalādhitāṃ
karmastheṣvahimandaketuṣu bhavedduṣarmakārī naraḥ

lābheśe yadbhāvanāthayukte yadbhāvage'pi vā |
bhāvaṃ tadanurūpasya vastuno lābhagairapi

vyayasthito yadbhāveśo vyayeśo yatra tiṣṭhati |
tasya bhāvasyānurūpavastuno nāśamādiśet

bhāveśasthitabhaṃśakoṇamapi vā bhāvaṃ tu vā lagnapo
lagneśasthitabhāṃśakoṇamudayaṃ vā'yāti bhāvādhipaḥ |
saṃyoge'pi vilokane'pi ca tayostadbhāvasiddhiṃ tadā
brūyātkārakayogatastanupaterlagnācca candrādapi

yadbhāveśāsthatarkṣāṃśatrikoṇasthe gururyadā |
gocare tasya bhāvasya phalaprāptiṃ vinirdiśet

lagnārināthayoge tu lagneśāddurbale ripau |
tadā tadvaśagaḥ śatruvīparitamato'nyathā

yadbhāvapasya tanupasya bhavatyaritvā-
ttatkālaśatru vaśato'rimṛtisthito vā |
spardhāṃ tadā vadatu neta ca gocarastha-
stadvatsuhṛtvamapi saṃyutimaitrataśca

lagneśayadbhāvapayostu yogo
yadā tadā tatphalasiddhikālaḥ |
bhāveśavīrye śubhamanyathānya-
llagnācca candrādapi cintanīyam