Phaladeepika · Chapter p26

rājayoga
tryādyaih kheṭaiḥ svoccagaiḥ kendrasaṃstahiḥ svarkṣasthairvā bhūpatiḥ syātprasiddhiḥ |
pañcādyaistairanyavaṃśaprasūto'pyurvīnātho vāraṇāśvanghayuktaḥ

bhūpaḥ syurnṛpavaṃśajāstu yadi duryoge na jātāstathā
hyantārdhirnahi cetkarāddinakarājjānāḥ sphurantyeva te |
tryādyaiḥ kendragataiḥ svabhoccasahitairbhūpodbhavāḥ pārthivāḥ
martyastvanyakulodbhavāḥ kṣitipatestulyāḥ kadācinnṛpāḥ

yadyeko'pi virājitaṃśunikaraḥ susthānago vakrago
nīcastho'pi karoti bhūpasadṛśaṃ dvau va trayo vā grahāḥ |
evaṃ cejjanayanti bhūpatinamī śastāṃśarāśisthitā
stadvaccedvahavo nṛpaṃ samakuṭacchatrollasaccāmaram

dvau vā tryādyā digbalayuktā yadijātaḥ
kṣmābhṛdvaṃśe bhūmipatiḥ syājjayaśīlaḥ |
hitvā mandaṃ pañcakhagā digbalayuktā-
ścatvāro vā bhūpatiranyānvayajo'pi

gaṇottame lagnanavāṃśakodgame niśākaraścāpi gaṇottame'pi vā |
caturgrahaiścandravirvanitaistadā nirīkṣitaḥ syādadhamodbhavo nṛpaḥ

vilagneśaḥ kendre yadi tapasi vargottamagataḥ
svatuṅge svarkṣe vā gurupatirapi syādyadi tathā |
gajaskhandhe kārtasvarakṛtavimāne'tisuṣame |
sukhāsīnaṃ bhūpaṃ janayati lasaccāmarayugam

niṣādamapi pārthivaṃ janayatīnduruccasvabhava-
sthitagrahanirīkṣito dhavalakāmtijāllojjvalaḥ |
vihāya tanubhaṃ kalāsphuritapūrṇakāntiḥ śaśī
catuṣṭayagato nṛpaṃ janayati dvipāśvānvitam

aśvinyāmudayagato bhṛgurgrahendrai
rdṛṣṭaścejjanayati bhūpatiṃ jitārim |
nīcāryorgṛhamahapahāya vittasaṃstho
lagneśaḥ saha kavinā bahī ca bhūpam

bhaumaścedajaharicāpalagnasaṃsthaḥ
pṛthvīśaṃ kalayati mitrakheṭadṛṣṭaḥ |
karmeśo navamagataśca bhāgyanātho
madhyastho bhavati nṛpo janaiḥ praśastaḥ

cāpārddhe bhagavān sahasrakiraṇastatraiva tārādhipo
lagne bhānusute'tivīryasahitaḥ svocce ca bhūnandanaḥ |
yadyevaṃ bhavati kṣiteradhipatiḥ saṃśrutya dūraṃ bhayāt
trastā eva namanti tasya ripavo dagdhāḥ pratāpāgninā

sudhāmṛṇālopamavimbaśobhitaḥ śaśī navāṃśe nalinīpriyasya
yadi kṣitīśo bahuhastipūrṇaḥ śubhāśca kendreṣu na pāpayuktāḥ

nīcārivargarahitairvihagaistribhistu
svāṃśopagairbalayutaiḥ śubhadṛṣṭijuṣṭaiḥ |
gokṣīraśaṅkhadhavalomṛgalāñṣchanaśca
syādyasya janmani sa bhūmipatirjitāriḥ

kumudagahanabandhuṃ śreṣṭhamaṃśaṃ prapannaṃ
yadi balasamupetaḥ paśyati vyomacārī |
udayabhavanasaṃsthaḥ pāpasaṃjño na caivaṃ
bhavati manujanāthaḥ sarvabhaumaḥ sudehaḥ

jivo budho bhṛgusuto'tha niśākaro vā
dharme viśuddhatanavaḥ sphuṭaraśmijālāḥ |
mitrairnirīkṣitayutā yadi sūtikāle
kurvanti devasadṛśaṃ nṛpātiṃ mahāntam

śukreḍyau savituḥ śiśustimiyuge svocce ca pūrṇaḥ śaśī
dṛṣṭastībravilocanena dinakṛnmeṣodaye'sau nṛpaḥ |
senāyāścalanena reṇupaṭalairyasya praviṣṭe ravā-
vastabhrāntisamākulā kamalinī saṃkocamāgacchati

nīcāristhairbhavabhavanagaiḥ paṣṭhaduścikyagairvā
saumyaiḥ svoccaṃ paramupagatairnirmalaiḥ kendragairvā |
ājñāṃ yate śiśirakiraṇe karkaṭasthe viśāyā
mekacchatraṃ tribhuvanamidaṃ yasya sa kṣatriyeśaḥ

vargottame himakaraḥ sakalaḥ sthito'ṃśe
kuryānmahīpatimapūrvayaśo'bhirāmam |
yasyāśvabṛndakhuraghātarajo'bhibhūto
bhānu prabhātaśaśino'nukaroti rūpam

kendragau yadi ca jīvaśaśāṅkau
yasya janmani ca bhārgavadṛṣṭau |
bhūpatirbhavati so'tulakīrti
nīcago yadi na kaścidiha syāt

jalacararāśinavāṃśaka industanubhavane śubhadasvakavarge |
aśubhakaraḥ khalu kaṇṭakahīno bhavati nṛpo bahuvāraṇanāthaḥ

śukro jīvanirīkṣito vitanute bhūpodbhavaṃ bhūpatiṃ
deveḍyo mṛgabhaṃ vihāya tanuyo mattebhayuktaṃ nṛpam |
kendre janmapatirbalādhikayutaḥ kuryaddharitrīrpatiṃ
dṛṣṭe vākpatinā budhe dadhati pṛthvīśāśca tacchāsanam

ekopyuccakṣetrago mitradṛṣṭaḥ
kūryadbhūpaṃ mitrayogādbhanāḍhyam |
svaṃśe sūrye svarkṣagaścandramā-
ścedeśādhīśaṃ sāśvanāgaṃ vidhatte

mīne pūrṇajyotiṣi mitragrahadṛṣṭe candre
lokānandakaraḥ syānnṛpamukhyaḥ |
pūrṇajyotiḥ svoccagataścettuhināṃśu-
styāgādhikyaṃ sañjanaśastaṃ jagadīśam

candre'dhimitrāṃśagate sudṛṣṭe śukreṇa lakṣmīsahito nṛpaḥ syāḥ |
tathā sthite vāsavamantridṛṣṭe pūrnāṃ dharitrīṃ paripālayetsaḥ

pāpāstriśatrubhavagā yadi janmanāthā-
llagnāddhane kujabudhau hibuke'rkaśukrau |
karmāyalagnasahitāḥ kujamandajīvā-
stajjñā vadanti caturastviha rājayogān

lābheśadharmeśadhaneśvarāṇāmeko'pi candragrahakendravartī |
svaputralābhādhipatirguruścedakhaṇḍasāmrājyapatitvameti

nīcabhaṃga rājayoga
nīcasthito janmani yograhaḥ syāttdrāśinātho'pi taduccanāthaḥ |
sa candralagnādyadi kendravartī rājā bhaveddhārmikacakravartī

yadyeko nīcagatattadrāśyadhipastadūccapaḥ kendre |
yasya sa tu cakravartī samastabhūpālavandyāṃdhriḥ

yasmingraśau vartate khecarastadrāśīśena prekṣitaścetsa kheṭaḥ |
kṣoṇīpālaṃ kīrtimantaṃ vidadhyāt susthānaścetkiṃpunaḥ pārthivendraḥ

nīce tiṣṭhati yastadāśrigṛhādhīśo vilagnādyadā
candrādvā yadi nīcagasya vihagasyoccarkṣanātho'thava |
kendre tiṣṭhati cetprapūrṇavibhavaḥ syāccakravartī nṛpo
dharmiṣṭho'nyamahīśavanditapadastejoyaśobhāgyavān

nīce yastasya nīcoccabheśau dvāveka eva vā
kendrasthaśceccakravartī bhūpaḥ syādbhupavanditaḥ