Phaladeepika · Chapter p15

kālacakra daśā
dasrāditaḥ pādavaśena meṣānn-
mīnāmśakāntaṃ kramaśo'pasavyam |
kīṭāddhayāntaṃ gaṇayecca savya-
mārgeṇa pādakramaśo'jatārāt

evaṃ bhūyāccāpasavyaṃ ca savyaṃ
bhāni trīṇi trīṇi vidyātkrameṇa |
tadrāśīśaproktavarṣairdaśāsya
devaṃ prāhuḥ kālacakre mahāntaḥ

manuḥ paraḥ sanirdhanirnṛpastapo vane kramāt |
divākaradivatsarāḥ śubhāśubhāptihetavaḥ

dasaḥapahārādikakālacakre
vākyāni dasrādipadādijāni |
dakṣyāmi varṇairnavabhirbhamānai
rāśīśavarṣaiḥ paramāyuratra

pauraṃ gāvo mita sandigdhaṃ
nakṣatrenduḥ sa tu bhūśūlam |
rūpetrakṣannidhayoraṅge
vāṇī casthaṃ dadhi nakṣatram

dāsatveśo gaurīputraṃ
kṣannidhikāro gobhūśeṣam |
saudadhinakṣatrehāsanto
bhaumaguruḥ putrākṣonādhiḥ

vākyānyetānyaśviyāmyarkṣayoryā-
nyaśvinyādyanyagnibhasyāpasavye |
savye'jendvorvakṣyamāṇeṣu vākye-
ṣvindorvakyānyeva raudrasya bhūyaḥ

dhenuḥ kṣetre purago śaṃbhu-
stāsāṃ jatru kṣannidhi dāsī |
carmābhogī rāyadhinākṣa-
strīpaurāṅgī śivatīrthābje

trakṣanidhirdā sūciśaṃbho
saurayadhī nakṣatraṃ pāram |
gośivatīrthe dātrikṣnno
dhīhasitāṃśubhorgī ramyā

nakṣatrapādaiṣyaghaṭī samutthā
pūrvā daśā tatpativarṣajātā |
pūrvoktapādakramaśo'tra vidyāt-
keṣāṃcidevaṃ matamāhurāryā

dasrādipādaprabhṛtīni bhānāṃ
vākyāni yānyakṣarapaṃktijāni |
teṣāṃ krameṇaiva daśā prakalpyā
vākyakramaṃ sādhviti kecidāhuḥ

vākyakrame karkyalimīnasandhau
maṇḍūkagatyaśvaraplutiśca |
siṃhāvalokastrividhā tadānīṃ
daśāntaraṃ duḥkhaphalapradaṃ syāt

tadvākyavarṇakramaśopahāra-
varṣāhate tatparamāyurāpte |
tadā daśāyāmapahāravarṣa-
saṃkhyāśca māsāndivasānvadeyuḥ

vākyeṣu yāvaccharadāṃ pramāṇaṃ
vadanti tāvatparamāyuratra |
meṣādanīkaṃ madanaṃ gajena
tundaḥ punaścaivamudīritaṃ tat

utpanna ādhāna āura kṣema mahādaśā
mahādaśāsu yatphalaṃ prakīrtitaṃ mayā purā |
tadeva yojayed budho daśāsu caivamādiṣu

janmarkṣātparatastu pañcamabhavā'thotpannasaṃjñā daśā
syādādhānadaśā'pyato'ṣṭamabhavāt kṣemānmahākhyā daśā |
āsāmeva daśāvasānasamaye mṛtyupradā syānnṛṇāṃ
svalpānalpasamāyuṣāṃ trivadhapañcarkṣeśadāyāntime

nisargadaśā
ekaṃ dve nava viṃśatirdhṛtikṛtiḥ pañcāśadeṣāṃ kramāt
candrārendujaśukrajīvadinakṛddaivākarīṇāṃ samāḥ |
svai svaiḥ puṣṭaphalā nisargajanitaiḥ paktirdaśāyā kramā-
dante lagnadaśā hubheti yavanā necchanti kecittathā

aṃśadaśā
liptīkṛtya bhajedr‌grahaṃ khakhajinaistacchiṣṭamāyuṣkalā
āśākhāśvihṛtābdamadivasāḥ satyodite'mśāyuṣī |
vakriṇyuccagate trisaṅguṇamidaṃ svāṃśatribhāgottame
dvighnaṃ nīcagate'rdhamapyatha dalaṃ mauḍhye sitārkī vinā

sarvārddhatrikṛteṣuṣaṇmitalavahlāso'satāmutkramā-
driḥphātsatsu dalaṃ tadā harati balyeko bahuṣvekabhe |
tryaṃśonaṃ ripubhe vinā kṣitisutaṃ satyopadeśe daśā
lagnasyāṃśasamā balinyudayabhe'syātrāpi tulyāpi ca

tasyopadeśo varamatra kintu
kurvantyayogyaṃ bahuvargaṇabhiḥ |
ācāryakaṃ tvatra bahughnatāyām
eko tu yadbhuri tadeva kāryam

piṇḍāyurdaśā
dheyaṃ śūra śake śriyaṃ smaya pare nidrāḥ samā bhāskarāt
piṇḍākhyayuṣi pūrvacca haraṇaṃ sarva vidadhyādiha |
lagne pāpini bhaṃ vinodayalavairnighnaṃ natāṅgairhṛtaṃ
tyājyaṃ saumyanirīkṣite'rdhamṛṇamatrāyuṣyabhijñā viduḥ

lagnadaśāmaṃśasamāṃ balavatyaṃśe vadanti paiṇḍākhye |
balayuktaṃ yadi lagnaṃ rāśisamaivātra nāṃśotvā

haraṇaṃ nīce'rddhamṛṇaṃ syātpūrṇaṃ proktavarṣamuccagṛhe |
paiṇḍādau vdyantarage prājñaistrairāśikaṃ cintyam

paiṇḍākhyamāyurbrurvate pradhānaṃ
maṇitthacāṇakyamayādayaśca |
etanna sādhvityavadadbhadanto
varāhasūryasya tathaiva vākyam

sūryādikānāṃ svamatena jīva-
śarma svarāṃśaṃ paramāyuṣo'tra |
asyāpi sarva haraṇaṃ vidheyaṃ
pūrvoktivallagnadaśāmapīha

nṝṇāṃ dvādaśavatsarā daśahatā hyāyuḥpramāṇaṃ parai-
rākhyātaṃ paramaṃ śanestribhagaṇaṃ yāvatparairīritam |
kaiściccandrasahasradarśanamiha proktaṃ kalau kintu yat
vedoktaṃ śaradaḥ śataṃ hi paramāyurdāyamācakṣmahe

lagnādityendukānāmadhikabalavataḥ syāddaśādau tato'nyā
tatkendrādisthitānāmiha bahuṣu punarvīryato vīryasāmye |
bahvāyurvarṣadātuḥ prathamaminavaśāccoditasyābdasāmye
vīryaṃ kintvatra sandhigrahavivarahataṃ bhāvasandhyantarāptam

aṃśodbhavaṃ lagnabalātprasādhya-
māyuśca piṇḍodbhavamarkavīryāt |
naisargikaṃ candrabalātprasādhyaṃ
brūmasrayāṇāmapi vīryasāmye

teṣāṃ trayāṇāmiha saṃyutistu
tribhirhṛtā saiva daśā prakalpyā |
vīrye dvayoraikyadalaṃ tayoḥ syāt
cejjīvaśarmāyuramī balonāḥ

kālacakradaśā jñeyā candrāṃśeśe balānvite |
sadā nakṣatramārgeṇa daśā balavatī smṛtā

samāḥ ṣaṣṭidvighnā manujakariṇāṃ pañca ca niśā
hayānāṃ dvatriṃśatkharakarabhayoḥ pañcakakṛtiḥ |
virūpā sāpyāyurvṛṣamahiṣayodvadiśa śunāṃ
smṛtaṃ chāgādīnāṃ daśakasahitāḥ ṣaṭ ca paramam

ye dharmakarmaniratā vijitendriyā ye
ye pathyabhojanajuṣo dvijadevabhaktāḥ |
loke narā dadhati ye kulaśīlalilāṃ
teṣāmidaṃ kathitamāyurudāradhībhiḥ