Phaladeepika · Chapter p14

putrabhāva phala
susthā vilagnaśaśinoḥ sutabheśajīvāḥ
susthānanāthaśubhadṛṣṭiyute sutarkṣe |
lagnātmapau yadiyutau ca mithaḥ sudṛṣṭau
kṣetre parasparagatau yadi putrasiddhiḥ

lagnāmareḍyaśaśināṃ sutabheṣu pāpai-
ryuktekṣiteṣvatha śubhairayutekṣiteṣu |
pāpobhayeṣu sutabheṣu suteścareṣu
duḥsthānageṣu na bhavanti sutāḥ karthacit

pāpe svarkṣagate sute tanayabhāk tasmin sapāpe punaḥ
putrāḥ syurbahulāḥ śubhasvabhavane sogre sute putraha |
saṃjñāṃ cālpasutarkṣamityalibṛṣastrīsiṃhahabhānāṃ viduḥ
tadrāśau sutabhāvage'lpasutavān kālāntare'sāviti

sūrye cālpasutarkṣage nidhanage mande kuje lagnage
lagnāṣṭavyaygaiḥ śanīḍyarudhiraiścālpātmajarkṣe sute |
candra lābhagate gurusthitasutasthāne sapāpe bhave-
llagne'nekakhagānanvite tanayabhākkālāntare yatnataḥ

sūrye nānyute sutarkṣasahite candrasya gehe sthite
bhaume vā bhṛguje'pi vā sati sutaprāpti dvitīyastriyām |
mande vā bahuputravāñcchaśini vā saumye'pi vālpātmajo
deveḍye bahudārikā śaśigṛhe tadvatsutādhipeṣṭhite

sukhāstadaśamasthitairaśubhakāvyaśītāṃśubhir-
vyayāṣṭatanayodayeṣvaśubhageṣu vaṃśakṣayaḥ |
made kavividau matau gururasadbhiraṃbusthitaiḥ
sute śaśini naidhanavyayatanusthapāpairapi

pāpe lagne lagnape putrasaṃsthe
dhīśe vīrye veśmanīndāvaputraḥ |
ojarkṣeśe putrage sūryadṛṣṭe
candre putrakleśabhāk syādasūnuḥ

māndaṃ sutarkṣe yadi vā'thabaudhaṃ
māndyarkaputrānvitavīkṣitaṃ cet |
dattātmajaḥ syādudayāstanātha-
saṃbandhahīno vibalaḥ suteśaḥ

nīcāripūḍhopagate suteśe
riḥphārirandhrādhipasaṃyute vā |
sutasya nāśaḥ kathito'tra tajjñaiḥ
śubhairadṛṣṭe sutabhe suteśe

sutanāthajīvakujabhāskareṣu vai
puruṣaṃśakeṣu ca gateṣu kutracit |
munayo vadanti bahuputrataṃ tadā
sutanāthavīryavaśataḥ suputratām

puṃrāśyaṃśe'dhīsvare puṃgrahendrai-
ryukte dṛṣṭe puṃgrahe puṃprasutiḥ |
strīrāśyāṃśe strīgrahairyuktadṛṣṭe
strīṇāṃ janma syātsutarkṣe suteśe

balayuktau svagṛhāṃśeṣvarkasitāvupacayarkṣagau puṃsām |
strīṇāṃ vā kujacandrau yadā tadā saṃbhavati garbhaḥ

aśatrunicārinavāṃśakaiḥ sute
suteśayuktairapi taistathāvidhaiḥ |
sutarkṣagairvā gurubhādināṃśakātsute
phalaiḥ putramitirvicintyate

jīvendukṣitijasphuṭaikyabhavane yugme ca yugmāṃśake
strīṇāṃ kṣetrebalaṃ vadanti sutadaṃ miśre prayāsātphalam
bhāsvacchukragurusphuṭaikyabhava nepyojāṃśake'pyojabhe
puṃsāṃ bījabalaṃ sutapradamimaṃ miśre tu miśraṃ vadet

pañcāghnācchaśinaḥ phuṭādiśuhataṃ bhānusphuṭaṃ śodhaye-
nnītvā tatra tithiṃ site śubhatithau putro'styayatnādapi |
kṛṣṇe nāsti sutastitherbalavaśādbrūyāddvaṃyoḥ pakṣayoḥ
darśe cchidratithau ca viṣṭikaraṇe na syāt sthirākhye sutaḥ

viṣṭiḥ sthiraṃ vā karaṇaṃ yadi syāt
kṛṣṇaṃ jayet pauruṣasūktamantraiḥ |
paṣṭhyāṃ guhārdhanamatra kāryaṃ
yajeccaturthyāṃ kila nāgarājaṃ

rāmāyaṇasya śravaṇaṃ navamyaṃ
yadyaṣṭamī cecchravaṇavrataṃ ca |
caturdaśī cedyādi rudrapūjā
syāddvādaśī cetsamṛtamannadānam

tṛpti pitṝṇāmiha pañcadaśyāṃ
kṛṣṃe daśamyāḥ parato'tiyatnāt |
pakṣatribhāgeṣvapi nāgarājaṃ
skandaṃ ca seveta harī krameṇa

putreśo ripunīcago'stamayago riḥphāṣṭamāristhita
stadvatputragṛhasthito'pi yadi vā duḥsthānapastadvaśāt |
putrābhāvanidānameva kathayet tatkhecarākrāntabha-
proktairdaivatabhūruhairapi mṛgaiḥ santānahetu vadet

drohācchaṃbhusuparṇayornahi sutaḥ śāpātpitṝṃāṃrave
rindormatṛsuvāsinībhagavatīkopānmanodoṣataḥ |
svagrāmasthitadvatāguharipujñātyutthadoṣātkuje
śāpādvālakṛtādvilālavadhataḥ ścīviṣṇukopādūbudhe

pāraṃparyasurapriyadvijagurudrohātphalāḍhyadru ma-
cchedāddevagurau tathā sati bhṛgau puṣpadrumacchedanāt |
sādhvīgokulajātadoṣavaśato yakṣyādikāmena sā
mande'śvatthavadhādruṣā pitṛpateḥ pretaiḥ piśācādibhiḥ

svarbhānau sutage suteśasahite sarpasya śāpāttathā
ketau brāhmaṇaśāpataśca gulike pretothaśāpaṃ vadet |
śukrendū gulikānvitau yadi vadhūgohattimāhuḥ sute
jīvo vātha śikhī samāndiriha cedbhūdevatyā.sutaḥ

evaṃ hi janmasamaye bahupūrvajanma-
karmārjitaṃ duritamasya vadanti tajjñāḥ |
tattadgrahoktajapadānaśubhakriyā-
bhistaddoṣaśāntimiha śaṃsatu putrasidhdyai

setusnānaṃ kīrtanaṃ satkathāyāḥ
pūjāṃ śaṃbhoḥ śrīpateḥ sadvratāni |
dānaṃ ścāddhaṃ karjanāgapratiṣṭāṃ
kuryadetaiḥ prāpnuyātsantarti saḥ

lagnāstaputrapatijīvadaśāpahāre
putrekṣakasya sutagasya ca putrasiddhiḥ
putreśarāśimathavā yamakaṇṭakarkṣaṃ
jīvegate tanayasiddhirathāṃśabhe vā

lagnādhīśaḥ putranāthena yogaṃ
svocce svarkṣecāragatyā sameti |
putraprāptiḥ syāttadā lagnanāthaḥ
putrarkṣaṃ vā yāti dhīśāptabhaṃ vā

vilagnakāmātmajanāyakānāṃ yogātsamānīya daśāṃ mahākhyām |
sutasthatadvīkṣakatatpatīnāṃ daśāpahāreṣu sutodbhavaḥ syāt

sutapatigurvorathavā tadyuktarāśyaṃśakādhipānāṃ vā |
balasahitasya daśāyāmapahāre vā sutaprāptiḥ

jīve tu jīvātmajanāthabhaśaka-
trikoṇage putrajanirbhavennṛṇām |
athānyaśāstreṇa ca janmakālato
nirūpayetsantatilakṣaṇaṃ budhaḥ

janmanakṣatranāthasya pratyayarkṣardhipasya ca
sphuṭayogaṃ gate jīve trikoṇe vā sutodbhavaḥ

niṣekalagnāddinapastṛtīye
rāśau yadā cāravaśādupaiti |
ādhānalagnādathavā trikoṇe ravau yadā janma vadennarāṇām

ādhānalgnātsutabheśajanma
bhāgye'pi vā puṇyavaśācca vācyaṃ |
ādhanalagne śubhadṛṣṭiyoge
dīrghayuraiśvaryayuto naraḥ syāt

tatkālendudvādaśāṃśe meṣāttāvati bhe'pi vā |
tasmāttāvati bhe vāpi janmacandraṃ vadedbudhaḥ

praśnātmajasvīkaraṇopanītikanyāpradānābhinavārtaveṣu |
ādhānakāle'pi ca janmatulyaṃ phalaṃ vadeñjanmavilagnataśca