Phaladeepika · Chapter p13

kalatra bhava
śubhādhipayutekṣite sutakalatrabhe lagnato
vidhorapi tayoḥ śubhaṃ tvitarathāna siddhistayoḥ |
sitāvdyayasukhāṣṭagaiḥ kharakhagairasannadhyage
site'pyatha śubhetarekṣitayute ca jāyāvadhaḥ

dāreśe sutage praṇaṣṭavanito'putro'thavā dhīśvaro
dyūne vā nidhaneśśvaro'pi kurute patnīvināśaṃ dhruvam |
kṣīṇendau sutage vyayāstatanugaiḥ pāpairadārātmajaḥ
strīsaṃgāddhananāśanaṃ madagayāḥ svarbhanubhānvorvadet

śukre dṛścakage made mṛtavadhūḥ kāme vṛṣasthe budhe
strīnāśastvatha nīcage suragurau dyūnādhiruḍhe tathā |
jāmitre bhuṣage śanau sati tathā bhaume'thavā strīmṛti-
ścandrakṣetragayormade'rkikujayoḥ patnī sati śobhanā

aste vāstapatāvasadgrahayute dṛṣṭe'pyasanmadhyage
nīcārātigṛhe'rkakāntyabhihate brūyātkalatracyutim |
kame vā sutabhāgyayorvikaladāro'sau sapāpe bhṛgau
śukre vā kujamandavargasahite dṛṣṭe parastrīrataḥ

bhaumārkyaste bhṝgujaśaśinordāhīno'suto vā
klībe'ste vā bhavati bhavagau dvau grahau strīdvayaṃ syāt |
dvandvarkṣāśe madapatisitau tasya jāyādvayaṃ syāt
tāmyāṃ yuktairgagananilayairdārasaṃkhyāṃ vadantu

strīsaṃkhyāṃ madagairgrahairmṛrtimasatkheṭaiśca sabdhiḥ sthitī
dyūneśe sabale śubhe sati vadhuḥ sādhvī suputrānvitā |
pāpo'pi svagṛhaṃ gataḥ śubhakaraḥ patnyāścakāmasthitā
hitvā ṣaḍvyayarandhrapānmadanagāḥ saumyāstu saukhyāvahāḥ

bhāryānāśastvaśubhasahitau vīkṣitau vārthakāmau
tatra prāhustvaśubhaphaladāṃ krūradṛṣṭi viśeṣāt |
evaṃ patnyā api sati made cāṣme vāsti doṣaḥ
saumyairdṛṣṭe sati śubhayute daṃpatī bhāgyavantau

candre samande madage punrabhūḥ
patirbhavedvāpyasuto vidāraḥ |
nīcāribhasthairaśubhairmade strī-
puṃsormṛtiḥ syānnidhane dhane vā

lagnātkalatrabhavane samarāśisaṃjñe
bhāvādhipe'pi ca tathaiva gate'sureḍye |
sūryābhitaptarahite sutadāranāthe
vīryanvite tu jananaṃ sasutaṃ kalatraṃ

kuṭumbadāravyayarāśināthā
jīvekṣitāḥ koṇacatuṣṭayasthāḥ |
dāreścarādvittakalatralābhe
saumyāḥ kalatraṃ sasutaṃ sukhāḍhyam

lagnāstanāthasthitabhāṃśakoṇe
nīcoccabhe strījananaṃ ca patyuḥ |
candrāṣṭavargedhikakindurāśau
kalatrajanmeti tathā dhavasya

kāmasthakāmādhipbhārgavānā
mṛkṣaṃ diśaṃ śaṃsati tasya patnyāḥ |
śukro'stapo vā natunāthabhāṃśa-
trikoṇamāyāti tadā vivāhaḥ

kalatrasaṃsthasya kalatradṛṣṭe
darśāgamevātha kalatrapasya |
yadā vilagnādhipatiḥ prayāti
kalatrabhaṃ tatra kalatralābhaḥ

kalatranāthasthitabhāṃśakeśayoḥ
sitakṣapānāyakayorbalīyasaḥ |
daśāgame dyūnapayuktabhāṃśaka-
latrikoṇage devagurau karagrahaḥ

kalatranāthe ripunīcasaṃsthe
mūḍhe'thavā pāpanirīkṣite vā
kalatrabhe pāpayute'tha dṛṣṭe
kalatrahānī pravadanti santaḥ