ફલદીપિકા · અધ્યાય p13

કલત્ર ભવ
શુભાધિપયુતેક્ષિતે સુતકલત્રભે લગ્નતો
વિધોરપિ તયોઃ શુભં ત્વિતરથાન સિદ્ધિસ્તયોઃ ।
સિતાવ્દ્યયસુખાષ્ટગૈઃ ખરખગૈરસન્નધ્યગે
સિતેઽપ્યથ શુભેતરેક્ષિતયુતે ચ જાયાવધઃ

દારેશે સુતગે પ્રણષ્ટવનિતોઽપુત્રોઽથવા ધીશ્વરો
દ્યૂને વા નિધનેશ્શ્વરોઽપિ કુરુતે પત્નીવિનાશં ધ્રુવમ્ ।
ક્ષીણેન્દૌ સુતગે વ્યયાસ્તતનુગૈઃ પાપૈરદારાત્મજઃ
સ્ત્રીસંગાદ્ધનનાશનં મદગયાઃ સ્વર્ભનુભાન્વોર્વદેત્

શુક્રે દૃશ્ચકગે મદે મૃતવધૂઃ કામે વૃષસ્થે બુધે
સ્ત્રીનાશસ્ત્વથ નીચગે સુરગુરૌ દ્યૂનાધિરુઢે તથા ।
જામિત્રે ભુષગે શનૌ સતિ તથા ભૌમેઽથવા સ્ત્રીમૃતિ-
શ્ચન્દ્રક્ષેત્રગયોર્મદેઽર્કિકુજયોઃ પત્ની સતિ શોભના

અસ્તે વાસ્તપતાવસદ્ગ્રહયુતે દૃષ્ટેઽપ્યસન્મધ્યગે
નીચારાતિગૃહેઽર્કકાન્ત્યભિહતે બ્રૂયાત્કલત્રચ્યુતિમ્ ।
કમે વા સુતભાગ્યયોર્વિકલદારોઽસૌ સપાપે ભૃગૌ
શુક્રે વા કુજમન્દવર્ગસહિતે દૃષ્ટે પરસ્ત્રીરતઃ

ભૌમાર્ક્યસ્તે ભૄગુજશશિનોર્દાહીનોઽસુતો વા
ક્લીબેઽસ્તે વા ભવતિ ભવગૌ દ્વૌ ગ્રહૌ સ્ત્રીદ્વયં સ્યાત્ ।
દ્વન્દ્વર્ક્ષાશે મદપતિસિતૌ તસ્ય જાયાદ્વયં સ્યાત્
તામ્યાં યુક્તૈર્ગગનનિલયૈર્દારસંખ્યાં વદન્તુ

સ્ત્રીસંખ્યાં મદગૈર્ગ્રહૈર્મૃર્તિમસત્ખેટૈશ્ચ સબ્ધિઃ સ્થિતી
દ્યૂનેશે સબલે શુભે સતિ વધુઃ સાધ્વી સુપુત્રાન્વિતા ।
પાપોઽપિ સ્વગૃહં ગતઃ શુભકરઃ પત્ન્યાશ્ચકામસ્થિતા
હિત્વા ષડ્વ્યયરન્ધ્રપાન્મદનગાઃ સૌમ્યાસ્તુ સૌખ્યાવહાઃ

ભાર્યાનાશસ્ત્વશુભસહિતૌ વીક્ષિતૌ વાર્થકામૌ
તત્ર પ્રાહુસ્ત્વશુભફલદાં ક્રૂરદૃષ્ટિ વિશેષાત્ ।
એવં પત્ન્યા અપિ સતિ મદે ચાષ્મે વાસ્તિ દોષઃ
સૌમ્યૈર્દૃષ્ટે સતિ શુભયુતે દંપતી ભાગ્યવન્તૌ

ચન્દ્રે સમન્દે મદગે પુન્રભૂઃ
પતિર્ભવેદ્વાપ્યસુતો વિદારઃ ।
નીચારિભસ્થૈરશુભૈર્મદે સ્ત્રી-
પુંસોર્મૃતિઃ સ્યાન્નિધને ધને વા

લગ્નાત્કલત્રભવને સમરાશિસંજ્ઞે
ભાવાધિપેઽપિ ચ તથૈવ ગતેઽસુરેડ્યે ।
સૂર્યાભિતપ્તરહિતે સુતદારનાથે
વીર્યન્વિતે તુ જનનં સસુતં કલત્રં

કુટુમ્બદારવ્યયરાશિનાથા
જીવેક્ષિતાઃ કોણચતુષ્ટયસ્થાઃ ।
દારેશ્ચરાદ્વિત્તકલત્રલાભે
સૌમ્યાઃ કલત્રં સસુતં સુખાઢ્યમ્

લગ્નાસ્તનાથસ્થિતભાંશકોણે
નીચોચ્ચભે સ્ત્રીજનનં ચ પત્યુઃ ।
ચન્દ્રાષ્ટવર્ગેધિકકિન્દુરાશૌ
કલત્રજન્મેતિ તથા ધવસ્ય

કામસ્થકામાધિપ્ભાર્ગવાના
મૃક્ષં દિશં શંસતિ તસ્ય પત્ન્યાઃ ।
શુક્રોઽસ્તપો વા નતુનાથભાંશ-
ત્રિકોણમાયાતિ તદા વિવાહઃ

કલત્રસંસ્થસ્ય કલત્રદૃષ્ટે
દર્શાગમેવાથ કલત્રપસ્ય ।
યદા વિલગ્નાધિપતિઃ પ્રયાતિ
કલત્રભં તત્ર કલત્રલાભઃ

કલત્રનાથસ્થિતભાંશકેશયોઃ
સિતક્ષપાનાયકયોર્બલીયસઃ ।
દશાગમે દ્યૂનપયુક્તભાંશક-
લત્રિકોણગે દેવગુરૌ કરગ્રહઃ

કલત્રનાથે રિપુનીચસંસ્થે
મૂઢેઽથવા પાપનિરીક્ષિતે વા
કલત્રભે પાપયુતેઽથ દૃષ્ટે
કલત્રહાની પ્રવદન્તિ સન્તઃ