Phaladeepika · Chapter p12

praṣṭakavarga
gocaragrahavaśānmanujānāṃ yacchubhāśubhaphalāmyupalabdhyai |
aṣṭavarga iti yo mahaduktastatprasādhanamihābhidadhe'ham

ālikhya samyagbhuvi rāśicakraṃ grahasthitiṃ tajjananapravṛttam |
tattadgraharkṣātkramaśo'ṣtavargaṃ proktaṃ karotyakṣavidhānamatra

putrīvaṃsāhidhanike'rkakujārkajebhyo
muktāvvake suragurorbhṛgujāttathāśrīḥ |
jñādgomatīdhanaparā raviriṣṭadobjāt-
gītonnayepyudayabhāllaghutānnapātre

gītāsau janake raveḥ kalitasānniṣke tuṣāradyuteḥ
bhaumāchrīguṇite dhanasya yugavanmāsābdanitye budhāt |
nīvātkauravasajjanasya bhṛgujādgūḍhātmasiddhājñayā
mandādvāṇacaye tanīrgatinaye candraḥ śubho gocare

tīkṣṇāṃśorgaṇitānake śiśiragorlākṣāya bhūmeḥ sutāt
putrīvāsajanāya candratanayādgometake gīṣpateḥ |
tannākāri sitāttadā kuruśaneḥ kovāsadādhenuko
lagnātsvātkalitaṃ nayet kṣitisutaḥ kṣemaprado gocare

saumyādyogaśataṃ dhanaiḥ kururavermoṣādhikaśrīrguroḥ
tejo yatra yamārayoḥ puravasandigdhenaye bhārgavāt |
putro garbhamahāndhake parabhṛtāṃ dānāya lagnātsudhā-
mūrteḥ prāvṛṣi jānakī śaśisutastvatra sthitaścecchubhaḥ

mārtānḍātkaralābhasajjadhanike candrādrumesālike
bhaumātkiṃ prabhusūdanāya kuravaḥ śikṣādhanāḍhye budhāt |
putrī garbhasadānake suraguroḥ svallakṣmicandre śaneḥ
śrīmanto dhanikāḥ sitātkariviśeṣe siddhinityaṃ tanoḥ

jātyāṃ śrīstu ravervidhoḥ puragavāmandolliputre tanoḥ
paure lābhamadālike kurulavaṃ mohe dhaneḍhye bhṛgoḥ |
lobhastāllipare kujādravisutāngarbhaṃ mahābdhau naye
jñālakṣmīcullake gurormadadhatāḍhyo'sau bhṛguḥ saukhyadaḥ

raveryātrāvīthījanaya śaśino lakṣaya śaneḥ
guṇestutyo bhaumādgaṇitanikaro'sau śubhakaraḥ |
śatākāre jīvāttadadhanapare jñādudayabhāt
kalābhūtānamye bhṛguja cayakhe sūryatanayaḥ

iti nigaditamiṣṭaṃ neṣṭamanyadviśeṣā-
dalikaphalavipākaṃ janmināṃ tatra dadyuḥ |
upacayagṛhamitrasvoccagaiḥ puṣṭamiṣṭaṃ
tvapacayagṛhanīcārātigairneṣṭasampat

kṛvāṣṭavarga dyusadāṃ kriyādi-
ṣvakṣairviṃhīne mṛtirekabindoḥ |
nāśo vyayo bhītibhayārthanārī-
śrīrājyasiddhiḥ kramaśaḥ phalāni

tattadgrahādhiṣṭhitasarvarāśīṃ-
statsaṃjñitaṃ lagnamiti prakalpya |
tebhyaḥ phalānyaṣṭavidhānyabhūvaṃ-
stattadgṛhādbhā vavaśādvadantu

tattadgraharkṣāśakatulyabhāṃśa
sthitā grahāścāravaśādidānīm |
tathaiva tadbhāvasamutthitāni
phalāni kurvanti śubhāśubhāni

kṛte'ṣtavarge sati kārakarkṣāt-
yadbhāvamuktāṅkamupaiti kheṭaḥ |
tadbhāvapuṣṭiṃ saśubho'śubho vā
karotyanukte viparītameva

ekatra bhāve bahavo yadānī-
muktāṅkagāścāravaśādvrajanti |
puṣṇanti tadbhāvaphalāni samyak
tatkārakāttattanṛpūrvabhāve

bindau sthite tatphalasiddhikāla
vinirṇayāya prahite'ṣṭavarge |
bhānyaṣṭadhā tatra vibhajya kakṣā
krameṇa teṣāṃ phalamāhuranye

prastārāṣṭakavargaḥ
ālikhya cakraṃ nava pūrvarekhā
yāmyottarasthā daśa ca trirekhāḥ |
prastārakaṃ ṣaṇṇavatiprakoṣṭhaṃ
paṅktyaṣṭakaṃ cāṣṭakavargajaṃ syāt

horāśaśībodhanaśukrasūrya-
bhaumāmarendrāciṃtabhānuputrāḥ |
yāmyādipaṅktyaṣṭakarāśināthāḥ
krameṇa tatbinduphalapradāḥ syuḥ

rāśyṣṭabhāgaprathamāṃśakāle
śanirdvitīye ty guruḥ phalāya |
kakṣākrameṇaivamihāntyabhāga-
kāle vilagnaṃ phaladaṃ pradiṣṭam

sarvagrahāṇāṃ prahite'ṣṭavarge
tatkālarāśisthitabinduyoge |
aṣṭākṣasaṃkhyādhikavindavaśvet
śubhaṃ tadune vyasanaṃ krameṇa

yāvantastuhinaruceḥ śubhāṅkasaṃsthā
yāvantaḥ śubhabhavane himadyutervā |
itthaṃ tadviditamihādhike ca tebhyaḥ
svastyūne vipaditi sūcitaṃ pareṣām

kartuḥ svajanmasamayāvasathagrahāṇāṃ
kṛtvāṣṭavargakathitākṣavidhānamatra |
bahvakṣayogavaśataḥ śubharāśimāsa-
bhāvagrahasthitiṣu karmaśubhaṃ vidadhyāt

pāpo'pi svagṛhasthaścedbhāvavṛddhiṃ karotyalam|
nīcārātigṛhasthaścetkuryādbhāvakṣayaṃ dhruvam

svoccastho'pi śubho bhāvahāniṃ duḥsthānapo yadi |
susthānapaścet svoccasthaḥ pāpī bhāvānukūlyakṛt