Paraśurāmakalpasūtra · Chapter 6

6. Khaṇḍa: Śyāmā-krama
iyam eva mahatī vidyā siṃhâsaneśvarī sāmrājñī, tasyāḥ pradhāna-saciva-padaṃ śyāmā, tat-krama-vimṛṣṭiḥ sadā kāryā

pradhāna-dvārā rāja-prasādanaṃ hi nyāyyam

brāhme muhūrte cotthāya śayane sthitvaiva śrī-pādukāṃ praṇamya prāṇān āyamya mūlâdi-dvādaśânta-paryantaṃ jvalantīṃ para-saṃvidaṃ vicintya manasā mūlaṃ triśo japtvā bahir nirgatya vimukta-mala-mūtro danta-dhāvana-jihvā-gharṣaṇa-kapha-vimocana-nāsa-śodhana-viṃśati-gaṇḍūṣān vidhāya

mantra-bhasma-jala-snāneṣv iṣṭaṃ vidhāya vastraṃ paridhāya

sandhyām upāsya savitṛ-maṇḍale devīṃ sâvaraṇaṃ vicintya mūlena trir arghyaṃ dattvā yathā-śakti santarpya

yāga-gṛhaṃ praviśyâsane ādhāra-śakti-kamalâsanāya nama - ity upaviśya

samasta-prakaṭa-gupta-siddha-yoginī-cakra-śrī-pādukābhyo nama iti śirasy añjalim ādhāya sva-guru-pādukā-pūjāṃ ca vidhāya

aiṃ hraḥ astrāya phaṭ ity astra-mantreṇa aṅguṣṭhâdi-kaniṣṭhântaṃ kara-talayoḥ kūrparayoḥ dehe ca vyāpakatvena vinyasya

yaṃ - iti vāyuṃ piṅgalayā ''kṛṣya deham upaviśoṣya, raṃ - iti vāyum ākṛṣya dehaṃ dagdhvā, vaṃ - iti vāyum ākṛṣyâmṛtena dagdha-deha-bhasma siktvā, laṃ - iti vāyum ākṛṣya dṛḍhaṃ vidhāya, haṃsa - iti vāyum ākṛṣya śiva-caitanyam utpādya

mūlam ekaśa uccārya vāyum ākṛṣya triśaḥ uccārya kumbhayitvā sakṛd uccārya recayet | evaṃ recaka-pūraka-kumbhakaṃ tridhā saptadhā daśadhā ṣoḍaśadhā vā viracya tejo-maya-tanuḥ

ṣaḍ-aṅgaṃ bālā-sahitāṃ mātṛkāṃ mūla-hṛn-mukheṣu rati-prīti-manobhavān vinyasya

mūlaṃ saptadaśadhā khaṇḍayitvā ṣaṭ brahma-bile trīṇi lalāṭe catvāri bhrū-madhye dakṣa-vāmekṣaṇayoḥ ṣaṭ câṣṭau saptâsye dakṣa-vāma-śruti-kaṇṭheṣv ekaikaṃ dakṣa-vāmâṃsayor aṣṭau ca daśa hṛdi daśa dakṣa-vāma-stanayor aṣṭāv aṣṭau nava nābhau dviḥ svādhiṣṭhāne ṣaḍ ādhāra evaṃ vinyasya

punar ādhārâdi-brahma-bila-paryantaṃ saptadaśa-khaṇḍān ukta-sthāneṣu vinyasya

amṛtodadhi-madhya-ratna-dvīpe muktā-mālâdy-alaṅkṛtaṃ catur-dvāra-sahitaṃ maṇḍapaṃ vicintya tasya prāg-ādi-catur-dvāreṣu - sāṃ sarasvatyai, lāṃ lakṣmyai, śaṃ śaṅkha-nidhaye, paṃ padma-nidhaye namaḥ - lāṃ indrāya vajra-hastāya surâdhipataye airāvata-vāhanāya sa-parivārāya namaḥ - rāṃ agnaye śakti-hastāya tejo-'dhipataye aja-vāhanāya sa-parivārāya namaḥ - ṭāṃ yamāya daṇḍa-hastāya pretâdhipataye mahiṣa-vāhanāya sa-parivārāya namaḥ - kṣāṃ nirṛtaye khaḍga-hastāya rakṣo-'dhipataye nara-vāhanāya sa-parivārāya namaḥ - vāṃ varuṇāya pāśa-hastāya jalâdhipataye makara-vāhanāya sa-parivārāya namaḥ - yāṃ vāyave dhvaja-hastāya prāṇâdhipataye ruru-vāhanāya sa-parivārāya namaḥ - sāṃ somāya śaṅkha-hastāya nakṣatrâdhipataye aśva-vāhanāya sa-parivārāya namaḥ - hāṃ īśānāya triśūla-hastāya vidyā-'dhipataye vṛṣabha-vāhanāya sa-parivārāya namaḥ - oṃ brahmaṇe padma-hastāya satya-lokâdhipataye haṃsa-vāhanāya sa-parivārāya namaḥ - śrīṃ viṣṇave cakra-hastāya nāgâdhipataye garuḍa-vāhanāya sa-parivārāya namaḥ - oṃ vāstu-pataye brahmaṇe namaḥ - ity ekādaśa-dikṣu ekādaśa-devān arcayet

śyāmā-krama-mantrāṇām ādau tritārī-kumārī-yogaḥ kumārī-yogo vā, tritārī pūrvoktā kumārī bālā śeṣam uttānam

gandha-dravyeṇa liptâṅgas tāmbūlâmodita-vadanaḥ prasanna-manā bhūtvā

suvarṇa-rajata-tāmra-candana-maṇḍaleṣu bindu-tri-koṇa-pañca-koṇâṣṭa-dala-ṣoḍaśa-dalâṣṭa-dala-catur-dala-catur-asrâtmakaṃ cakra-rājaṃ vilikhya

mūlena trivāra-japtena śuddha-jalena catur-asra-vṛtta-ṣaṭ-koṇa-tri-koṇa-bindūn praveśena matsya-mudrayā vidhāya - aṃ ātma-tattvāya ādhāra-śaktaye vauṣaṭ - ity ādhāraṃ pratiṣṭhāpya dhūmrârcir ūṣmā jvalinī jvālinī visphuliṅginī su-śrīḥ su-rūpā kapilā havya-vāhā kavya-vāhety agni-kalā abhyarcya - uṃ vidyā-tattvāya padmânanāya vauṣaṭ - iti pātraṃ pratiṣṭhāpya - tapinī tāpinī dhūmrā marīcir jvālinī ruciḥ suṣumnā bhoga-dā viśvā bodhinī dhāriṇī kṣamā - iti pātre sūrya-kalā abhyarcya - maṃ śiva-tattvāya soma-maṇḍalāya namaḥ - iti śuddha-jalam āpūrya - amṛtā māna-dā pūṣā tuṣṭiḥ puṣṭī ratiḥ dhṛtiḥ śaśinī candrikā kāntir jyotsnā śrīḥ prītir aṅga-dā pūrṇā pūrṇâmṛtā - ceti candra-kalā abhyarcya agnîśâsura-vāyuṣu madhye dikṣu ca ṣaḍ-aṅgāni vinyasya astreṇa saṃrakṣya kavacenâvakuṇṭhya dhenu-yonī pradarśya - mūla-mantreṇa saptaśo 'bhimantrya taj-jala-vipruḍbhiḥ yāga-gṛhaṃ pūjopakaraṇāni câvokṣya

tābhir ī-kārâṅkita-tri-koṇa-vṛtta-catur-asraṃ maṇḍalaṃ vidhāya tasmin puṣpāṇi vikīrya pūrva-vad ādhāraṃ pratiṣṭhāpya agni-kalā abhyarcya pātraṃ pratiṣṭhāpya tasmin pātre hrīṃ aiṃ mahā-lakṣmîśvari parama-svāmini ūrdhva- [199] śūnya-pravāhini soma-sūryâgni-bhakṣiṇi paramâkāśa-bhāsure āgacchâgaccha viśa viśa pātraṃ pratigṛhṇa pratigṛhṇa huṃ phaṭ svāheti puṣpâñjaliṃ vikīrya sūrya-kalā abhyarcya
brahmāṇḍâkhaṇḍa-sambhūtam aśeṣa-rasa-sambhṛtam |
āpūritaṃ mahā-pātraṃ pīyūṣa-rasam āvaha ||
ity ādimam āpūrya dvitīyaṃ nikṣipya a-ka-thâdi-tri-rekhā-'ṅkita-koṇa-traye ha-la-kṣān madhye haṃsaṃ ca vilikhya - mūlena daśadhā abhimantrya - candra-kalāḥ abhyarcya - agnîśâsura-vāyuṣu madhye dikṣu, ṣaḍ-aṅgāni vinyasya - astreṇa saṃrakṣya - kavacenâvakuṇṭhya, dhenu-yonī pradarśayet

cakra-madhye śrī-mātam uktvā gîśvarī-mūrtaye namaḥ - iti mūrtiṃ kalpayitvā bhūyaḥ śrī-mātam uktvā gîśvary-amṛta-caitanyam āvāhayāmi - ity āvāhya, ṣoḍaśabhir upacarya āśuśukṣaṇi-tryakṣa-rakṣaḥ-prabhañjana-dikṣu devyā maulau paritaś ca pūjyā aṅga-devyaḥ | tan-mantrāḥ sarva-janâdayaḥ aṣṭau saptaikādaśa daśa punar daśâṣṭāviṃśati-khaṇḍāḥ tritārī-kumārī-vāg-ādayaḥ sa-jātayaḥ sāmānya-manu-yuktāḥ

paścād āvaraṇa-pūjāṃ kuryāt

sarva-cakra-devatā-'rcanāni vāma-karâṅguṣṭhânāmikā-sandaṣṭa-dvitīya-śakala-gṛhīta-śrī-pātra-prathama-bindu-sahapatitaiḥ dakṣa-karâkṣata-puṣpa-kṣepaiḥ kuryāt

tri-koṇe rati-prīti-manobhavān

pañcâra-mūle pura ādi-krameṇa drāṃ drāvaṇa-bāṇāya - drīṃ śoṣaṇa-bāṇāya - klīṃ bandhana-bāṇāya - blūṃ mohana-bāṇāya - saḥ unmādana-bāṇāya namaḥ - iti tad-agre māyā-kāma-vāg-blūṃ strīm upajuṣṭāḥ kāma-manmatha-kandarpa-makara-ketana-manobhavāḥ

aṣṭa-dala-mūle brāhmī-maheśvarī-kaumārī-vaiṣṇavī-vārāhī-māhendrī-cāmuṇḍā-caṇḍikāḥ, sendu-svara-yugmântyâdayaḥ pūjyāḥ | tad-agre lakṣmī-sarasvatī-rati-prīti-kīrti-śānti-puṣṭi-tuṣṭayaḥ

ṣoḍaśa-dale vāmā-jyeṣṭhā-raudrī-śānti-śraddhā-sarasvatī-kriyāśakti-lakṣmī-sṛṣṭi-mohinī-pramathinī-āśvāsinī-vīcī-vidyunmālinī-surânandā-nāgabuddhikāḥ

aṣṭa-dale asitâṅga-ruru-caṇḍa-krodhana-unmatta-kapāla-bhīṣaṇa-saṃhārāḥ sa-daṇḍi-svara-yugmâdi-saṃyuktā bhairavântāś ca bhāvanīyāḥ

catur-dalaṃ mā-yukta-taṅgī siddha-lakṣmīś ca mahā-mā-yukta-taṅgī mahā-siddha-lakṣmīś ca

gaṃ gaṇapati - duṃ durgā - baṃ baṭuka - kṣaṃ kṣetra-pālāḥ, catur-asre sampūjyāḥ

sāṃ sarasvatyai namaḥ, iti-prabhṛti, vāstu-pataye brahmaṇe namaḥ iti-paryantaṃ punas tatraivâbhyarcya

haṃsamūrti-paraprakāśa-pūrṇa-nitya-karuṇa-sampradāya-gurūṃś catur-asra-pūrva-rekhāyām abhyarcya

sva-śirasi sāmānya-viśeṣa-pāduke abhyarcayet

punar devīm abhyarcya bālayā ṣoḍaśopacārān vidhāya

śuddha-jalena tri-koṇa-vṛtta-catur-asraṃ vidhāyârdhânna-pūrṇa-salilaṃ sâdimopādima-madhyamaṃ su-[sa]-gandha-puṣpaṃ sâdhāraṃ pātraṃ nidhāya

śrī-mātam uktvā gîśvarîmaṃ baliṃ gṛhṇa gṛhṇa huṃ phaṭ svāhā śrī-mātam uktvā gîśvari śaraṇâgataṃ māṃ trāhi trāhi huṃ phaṭ svāhā kṣetra-pāla-nāthemaṃ baliṃ gṛhṇa gṛhṇa phaṭ svāhā - iti mantra-trayeṇa vāma-pārṣṇi-ghāta-karâsphoṭa-samudañcita-vaktra-nārāca-mudrābhiḥ baliṃ pradāya

śyāmalāṃ śaktim āhūya bālayā tām abhyarcya tasyā hasta ādimopādimau dattvā tattvaṃ śodhayitvā tac-cheṣam urarīkṛtya yogyaiḥ saha haviś-śeṣaṃ svīkuryāt

evaṃ nitya-saparyāṃ kurvan lakṣa-japaṃ japtvā tad-daśâṃśa-krameṇa ca homa-tarpaṇa-brāhmaṇa-bhojanāni vidadhyāt

etan-manu-jāpī na kadambaṃ chindyāt girā kālîti na vadet vīṇā-veṇu-nartana-gāyana-gāthā-goṣṭhīṣu na parāṅ-mukho gacchet gāyakaṃ na nindyāt

lalitopāsako nekṣu-khaṇḍaṃ bhakṣayet - na divā smared vārtālīṃ - na jugupseta siddha-dravyāṇi - na kuryāt strīṣu niṣṭhuratāṃ - vīra-striyaṃ na gacchet - na taṃ hanyāt - na tad-dravyam apaharet - nâtmecchayā ma-pañcakam urarīkuryāt - kula-bhraṣṭaiḥ saha nâsīta - na bahu pralapet - yoṣitaṃ sambhāṣamāṇām apratisambhāṣamāṇo na gacchet - kula-pustakāni gopāyet - iti śivam