Paraśurāmakalpasūtra · Chapter 5

5. Khaṇḍa: Lalitā-navâvaraṇa-pūjā
atha prāthamike catur-asre aṇimā-laghimā-mahimeśitva-vaśitva-prākāmya-bhuktîcchā-prāpti-sarvakāma-siddhy-antāḥ madhyame catur-asre brāhmy-ādyā-mahālakṣmy-antāḥ tṛtīye catur-asre saṃkṣobhaṇa-drāvaṇa-karṣaṇa-vaśyonmādana-mahâṅkuśa-khecarī-bīja-yoni-trikhaṇḍāḥ sarva-pūrvās tāḥ sampūjyāḥ

etāḥ prakaṭa-yoginyas trailokya-mohana-cakre sa-mudrāḥ sa-siddhayaḥ sâyudhāḥ sa-śaktayaḥ sa-vāhanāḥ sa-parivārāḥ sarvopacāraiḥ sampūjitāḥ santv iti tāsām eva samaṣṭy-arcanaṃ kṛtvā

kara-śuddhim uccārya tripurācakreśvarīm avamṛśya drām iti sarvasaṃkṣobhiṇī-mudrāṃ pradarśayet | cakra-yoginī-cakreśīnāṃ nāmāni bhinnāni | śiṣṭaṃ samānam

ṣoḍaśa-patre kāmâkarṣiṇī nityā-kaleti nityā-kalā-'ntāḥ buddhy-ākarṣiṇī-ahaṅkārâkarṣiṇī-śabdâkarṣiṇī-sparśâkarṣiṇī-rūpâkarṣiṇī-rasâkarṣiṇī-gandhâkarṣiṇī-cittâkarṣiṇī-dhairyâkarṣiṇī-smṛty-ākarṣiṇī-nāmâkarṣiṇī-bījâkarṣiṇī-ātmâkarṣiṇī-amṛtâkarṣiṇī-śarīrâkarṣiṇī etā gupta-yoginyaḥ sarvâśā-paripūrake cakre sa-mudrāḥ ity ādi pūrva-vat ātma-rakṣām uccārya tripureśīm iṣṭvā drīṃ - iti sarvavidrāviṇīṃ pradarśayet

dik-patre kusumā-mekhalā-madanā-madanâturā-rekhā-veginy-aṅkuśā-mālinīr anaṅga-pūrvāḥ saṃmṛśyaitā guptatara-yoginyaḥ sarva-saṃkṣobhaṇa-cakre sa-mudrāḥ ity ādi pūrva-vad ātmâsanam uccārya tripurasundarīm iṣṭvā klīm iti sarvâkarṣiṇī-mudrāṃ pradarśayet

bhuvanâre saṃkṣobhiṇī-drāviṇy-ākarṣiṇy-āhlādinī-saṃmohinī-stambhinī-jṛmbhiṇī-vaśaṅkarī-rañjany-unmādiny-arthasādhinī-sampattipūraṇī-mantramayī-dvandva-kṣayaṅkarīḥ sarvâdīr avamṛśyaitāḥ sampradāya-yoginyaḥ sarvasaubhāgya- [158] dāyaka-cakre sa-mudrāḥ - ity ādi mantra-śeṣaḥ cakrâsanam uccārya tripuravāsinīṃ cakreśvarīm iṣṭvā blūṃ - iti sarvavaśaṅkarī-mudrām udghāṭayet

bahir-daśâre siddhipradā-sampatpradā-priyaṅkarī-maṅgalakāriṇī-kāmapradā-duḥkhavimocinī-mṛtyupraśamanī-vighnanivāriṇy-aṅgasundarī-saubhāgyadāyinīḥ sarva-pūrvāḥ sampūjyaitāḥ kulottīrṇa-yoginyaḥ sarvârthasādhaka-cakre manu-śeṣam uktvā mantrâsanam uccārya tripurāśrīcakreśvarīṃ pratyavamṛśya sa ity unmādinī-mudrāṃ dadyāt

antar-daśâre jñāna-śakty-aiśvaryapradā-jñānamayī-vyādhivināśiny-ādhārasvarūpā-pāpaharā-''nandamayī-rakṣāsvarūpiṇī-psitaphalapradāḥ sarvopapadāḥ [159] yaṣṭavyā etāni garbha-yoginyaḥ sarvarakṣākara-cakre śiṣṭaṃ tad-vat sādhyasiddhâsanam uccārya tripuramālinī mānyā krom iti sarvamahâṅkuśāṃ darśayet

aṣṭâre vaśiny-ādy-aṣṭakaṃ namaḥ-sthāne pūjā-mantra-sannāma etā rahasya-yoginyaḥ sarvarogahara-cakre śiṣṭaṃ spaṣṭaṃ mūrti-vidyām uccārya tripurāsiddhām ārādhya śiva-bhṛgu-ṛddhi-yuk-phreṃ - iti khecarī deyā

bāṇa-bījāny uccārya sarva-jṛmbhaṇebhyo bāṇebhyo namaḥ dhaṃ thaṃ sarva-saṃmohanāya dhanuṣe āṃ hrīṃ sarva-vaśīkaraṇāya pāśāya kroṃ sarva-sthambhanāyâṅkuśāya namaḥ iti mahā-try-asra-bāhya-catur-dikṣu bāṇâdy-āyudha-pūjā

tri-koṇe vāk-kāma-śakti-samasta-pūrvāḥ kāmeśvarī-vajreśvarī-bhagamālinī-mahā-devyaḥ bindau caturthī

tisṛṇām āsām anantaram abhedāya mūla-devyāḥ pūjā | kāmeśvary-ādi-caturthī nityānāṃ ṣoḍaśī cakra-devīnāṃ navamī bindu-cakra-sthā cety ekaiva | na tatra mantra-devatā-bhedaḥ kāryaḥ | tan-mahā-devyā eva | caturṣu sthaleṣu viśeṣârcanam āvartate

etā atirahasya-yoginyaḥ sarvasiddhiprade cakre | pariśiṣṭaṃ draṣṭavyam | āvāhanīm uccārya tripurâmbāṃ sambhāvya hsauṃ - iti bīja-mudrā-kṛtiḥ

bindu-cakre mūlena devīm iṣṭvā eṣā parâpara-rahasya-yoginī sarvânandamaye cakre sa-mudrā sa-siddhiḥ sâyudhā sa-śaktiḥ sa-vāhanā sa-parivārā sarvopacāraiḥ saṃpūjitā 'stv iti punar mūlam uccārya, mahācakreśvarīm iṣṭvā vāgbhavena yoniṃ pradarśya

pūrva-vad dhūpa-dīpa-mudrā-tarpaṇa-naivedyâdi dattvā

bindunā mukhaṃ bindu-dvayena kucau sa-parârdhena yoniṃ kṛtvā kāma-kalām iti dhyātvā

saubhāgya-hṛdayam āmṛśya

vāma-bhāga-vihita-tri-koṇa-vṛtta-catur-asre gandhâkṣatârcite vāgbhavam uccārya vyāpaka-maṇḍalāya namaḥ ity ardha-bhakta-bharitâmbhasā ādimopādima-madhyama-bhājanaṃ tatra nyasya

praṇava-māyā-'nte sarva-vighna-kṛdbhyaḥ sarva-bhūtebhyo huṃ svāhā - iti triḥ paṭhitvā baliṃ dattvā

pradakṣiṇa-namaskāra-japa-stotraiḥ santoṣya

tad-rūpiṇīm ekāṃ śaktiṃ bālayopacāraiḥ sampūjya tāṃ ma-pañcakena santarpya

śiṣṭaiḥ sārdhaṃ cid-agnau haviś-śeṣaṃ hutvā

khecarīṃ baddhvā kṣamasveti visṛjya tām ātmani saṃyojayet iti śivam