Paraśurāmakalpasūtra · Chapter 7

7. Khaṇḍa: Vārāhī-krama
itthaṃ sâṅgāṃ saṅgīta-mātṛkām iṣṭvā saṃvit-sāmrājñī-siṃhâsanâdhirūḍhāyā lalitāyā mahā-rājñyā daṇḍa-nāyikā-sthānīyāṃ duṣṭa-nigraha-śiṣṭânugraha-nirargalâjñā-cakrāṃ samaya-saṅketāṃ kola-mukhīṃ vidhivad varivasyet

tatrâyaṃ kramo mahārātre buddhvā sva-hṛdaya-paramâkāśe dhvanantam anāhata-dhvanim ūrjitânanda-dāyakam avamṛśya

śivâdi-śrī-gurubhyo namaḥ - iti mūrdhni badhnīyād añjalim

vācam uccārya glaum - iti ca paddhatāv asyāṃ sarve manavo japyāḥ

mūlâdi-ṣaṇ-mantraiḥ yathā-mantraṃ liṅga-dehaṃ śodhayet

mūla-śṛṅgāṭakāt suṣumnā-pathena jīva-śivaṃ para-śive yojayāmi svāhā - yaṃ saṅkoca-śarīraṃ śoṣaya śoṣaya svāhā - raṃ saṅkoca-śarīraṃ [209] daha daha paca paca svāhā - vaṃ parama-śivâmṛtaṃ varṣaya varṣaya svāhā - laṃ śāmbhava-śarīram utpādayotpādaya svāhā - haṃsaḥ so 'ham avatarâvatara śiva-padāt jīva suṣumnā-pathena praviśa mūla-śṛṅgāṭakam ullasollasa jvala jvala prajvala prajvala haṃsaḥ so 'haṃ svāhā - iti bhūta-śuddhiṃ vidhāya

mātṛkā-sampuṭitāṃ dvitārīṃ kânanavṛtta-dvy-akṣi-śruti-nāsā-gaṇḍoṣṭha-danta-mūrdhâsya-doḥ-patsandhyagra-pārśva-dvaya-pṛṣṭha-nābhi-jaṭhara-hṛd-dormūlâparagala-kakṣa-hṛd-ādi-pāṇi-pāda-yugala-jaṭharânaneṣu - vinyasya

andhe-prabhṛti saptârṇa-pañcakam aṅguṣṭhâdi-kaniṣṭhântam

vāṅ namo bhagavatîty ārabhya trayodaśabhir hṛdayaṃ, ṣaḍbhiḥ śiraḥ, daśabhiḥ śikhāṃ, saptabhiḥ saptabhiḥ saptabhiḥ kavaca-netrâstrāṇi, vinyasya

gandhâdibhir alaṅkṛtya arghyaṃ śodhayet

ātmano 'gra-bhāge go-mayena vilipte, hetu-miśrita-jalena catur-asraṃ vartulaṃ ṣaṭ-koṇaṃ tri-koṇaṃ antarântaraṃ - vilikhya, arghya-śodhana-manubhiḥ śyāmā-kramoktaiḥ ādhārârghya-pātrāṇi saṃśodhya, sāmānyenâbhyarcya, tad arghyaṃ vaṣaḍ ity uddhṛtya, svāheti saṃsthāpya, huṃ - ity avakuṇṭhya, vauṣaṭ ity amṛtīkṛtya, phaḍ iti saṃrakṣya, namaḥ - iti puṣpaṃ nikṣipya, mūlena nirīkṣya, tat-pṛṣataiḥ pāvayitvā saparyā-vastūni

(1) śiro-vadana-hṛd-guhya-pādeṣu pūrvokta-saptaka-pañcakaṃ vinyasya (2) vidyām aṣṭadhā khaṇḍayitvā, pādâdi-jānu-jānv-ādi-kaṭi-kaṭy-ādi-nābhi-nābhy-ādi-hṛdaya-hṛdayâdi-kaṇṭha-kaṇṭhâdi-bhrūmadhya-bhrūmadhyâdi-lalāṭa-lalāṭâdi-mauliṣu ekatriṃśat sapta sapta sapta sapta sapta pañcatriṃśad ekādaśârṇa-khaṇḍān (3) mātṛkā-sthāneṣu mūla-manu-padāni ca nyasya

pūrvoktān aṣṭa-khaṇḍān ekaikaśa uccārya pūrvokteṣu sthāneṣu hlāṃ śarvāya kṣiti-tattvâdhipataye, hlīṃ bhavāya ambu-tattvâdhipataye, hlūṃ rudrāya vahni-tattvâdhipataye, hlaiṃ ugrāya vāyu-tattvâdhipataye, hlauṃ īśānāya bhānu-tattvâdhipataye, soṃ mahādevāya soma-tattvâdhipataye, haṃ mahādevāya yajamāna-tattvâdhipataye, auṃ bhīmāya ākāśa-tattvâdhipataye namaḥ - iti tattva-nyāsaḥ

mūlena sarveṇa vyāpakaṃ kṛtvā devīṃ dhyātvā

purataḥ paṭa-paṭṭa-suvarṇa-rajata-tāmra-candana-pīṭhâdi-nirmitaṃ dṛṣṭi-manoharaṃ catur-asra-traya-sahasra-patra-śata-patrâṣṭa-patra-ṣaḍ-asra-pañcâsra-try-asra-bindu-lakṣaṇaṃ kola-mukhī-cakraṃ viracya

tatra kusumâñjaliṃ vikīrya svarṇa-prākārāya sudhā-'bdhaye varāha-dvīpāya varāha-pīṭhāya namaḥ iti | āṃ - ādhāra-śaktaye, kuṃ kūrmāya, kaṃ kandāya, aṃ - ananta-nālāya namaḥ - iti ca dharmâdibhiḥ saha ṣoḍaśa-mantraiḥ pīṭhe abhyarcya

tri-pañca-ṣaḍ-ara-dalâṣṭaka-śata-sahasrâra-padmâsanāya namaḥ - iti cakra-manunā cakram iṣṭvā

vahni-maṇḍalāya sūrya-maṇḍalāya soma-maṇḍalāya namaḥ - iti trayo guṇa-mantrāḥ - ātma-mantrāḥ catvāraḥ - iti saptaviṃśatikam idaṃ pīṭhe varivasanīyam

hauṃ preta-padmâsanāya sadāśivāya namaḥ - iti cakropari devy-āsana-vimṛṣṭiḥ

ḹ ṣā ī vārāhī-mūrtaye ṭhaḥ ṭhaḥ ṭhaḥ ṭhaḥ huṃ phaṭ - iti, vāg-glaum-ādi-glauṃ-vāg-antā, mūrti-karaṇī, vidyā

mūla-vidyayā āvāhana-saṃsthāpana-saṃnidhāpana-saṃnirodhana-sammukhīkaraṇâvakuṇṭhana-vandana-dhenu-yonīr baddhvā

devy-aṅga-nyasta-ṣaḍ-aṅga-pañcâṅgaḥ

pādyârghyâcamanīya-snāna-vāso-gandha-puṣpa-dhūpa-dīpa-nīrājana-chatra-cāmara-darpaṇa-rakṣâcamanīya-naivedya-pānīya-tāmbūlâkhya-ṣoḍaśopacāra-kḷpty-ante

dhyānaṃ devyāḥ - megha-mecakā kuṭila-daṃṣṭrā kapila-nayanā, ghana-stana-maṇḍalā cakra-khaḍga-musalâbhaya-śaṅkha-kheṭa-hala-vara-pāṇiḥ padmâsīnā vārtālī dhyeyā

daśadhā tasyās tarpaṇaṃ kuryāt

try-asre jambhinī-mohinī-stambhinyaḥ

pañcâre andhinī-rundhinyau tāś ca

ṣaṭ-koṇe ā kṣā ī brahmāṇī, ī lā ī māheśvarī, ū hā ī kaumārī, ṝ sā ī vaiṣṇavī, ai śā ī indrāṇī, au vā ī cāmuṇḍā tasyaivâgreṣu madhye ca ya-ma-ra-yūṃ yāṃ yīṃ yūṃ yaiṃ yauṃ yaḥ yākini jambhaya jambhaya mama sarva-śatrūṇāṃ tvag-dhātuṃ gṛhṇa gṛhṇa aṇimā-''di-vaśaṃ kuru kuru svāheti | anyāsāṃ dhātu-nāthānām apy evaṃ bīje nāmani dhātau tv ārādhana-karmaṇi mantra-sannāmaḥ | ra-ma-ra-yūṃ rākiṇi rakta-dhātuṃ piba piba la-ma-ra-yūṃ lākini māṃsa-dhātuṃ bhakṣaya bhakṣaya ḍa-ma-ra-yūṃ ḍākini medo-dhātuṃ grasa grasa ka-ma-ra-yūṃ kākini asthi-dhātuṃ jambhaya jambhaya sa-ma-ra-yūṃ sākini majjā-dhātuṃ gṛhṇa gṛhṇa ha-ma-ra-yūṃ hākini śukra-dhātuṃ piba piba aṇimā-''di-vaśaṃ kuru kuru svāhā - iti dhātu-nātha-yajanam

anantaraṃ ṣaḍ-asrobhaya-pārśvayoḥ krodhinī-stambhinyau cāmara-grāhiṇyau tatraiva stambhana-musalâyudhāya ākarṣaṇa-halâyudhāya namaḥ ṣaḍ-arād bahiḥ purato devyāḥ kṣrauṃ krauṃ caṇḍoccaṇḍāya namaḥ - iti tad-yajanam

aṣṭa-dale vārtālī-vārāhī-varāhamukhy-andhiny-ādayaḥ pañca tad-bahiḥ mahā-mahiṣāya devī-vāhanāya namaḥ

(1) śatâre devī-purato dala-sandhau jambhinyā indrāyâpsarobhyaḥ siddhebhyo dvādaśâdityebhyo 'gnaye sādhyebhyo viśvebhyo devebhyo viśvakarmaṇe yamāya mātṛbhyo rudra-paricārakebhyo rudrebhyo mohinyai nirṛtaye rākṣasebhyo mitrebhyo gandharvebhyo bhūta-gaṇebhyo varuṇāya vasubhyo vidyā-dharebhyaḥ [221] kinnarebhyo vāyave stambhinyai citra-rathāya tumburave nāradāya yakṣebhyaḥ somāya kuberāya devebhyo viṣṇave īśānāya brahmaṇe aśvibhyāṃ dhanvantaraye vināyakebhyo namaḥ - iti devatā-maṇḍalam iṣṭvā (2) tad-bahiḥ auṃ kṣauṃ kṣetra-pālāya namaḥ, siṃha-varāya devī-vāhanāya namaḥ - iti ca tad ubhayaṃ varivasyet | tad-bahiḥ mahā-kṛṣṇāya mṛga-rājāya devī-vāhanāya namaḥ - iti tat-pūjā

(1) sahasrâre aṣṭadhā vibhakte airāvatāya puṇḍarīkāya vāmanāya kumudāyâñjanāya puṣpa-dantāya sārvabhaumāya supratīkāya namaḥ - iti tat-pūjā bahiḥ sudhā-'bdher vā | (2) bāhya-prākārâṣṭa-dikṣu adha upari ca hetukâdayaḥ, bhairava-kṣetra-pāla-śabda-yuktāḥ pratyekaṃ kṣaum-ādayaś ca yaṣṭavyāḥ | hetuka-tripurântakâgni-yamajihvaikapāda-kāla-karāla-bhīmarūpa-hāṭakeśâcalāḥ daśa bhairavāḥ

evaṃ ṣaḍ-āvaraṇīm iṣṭvā punar devīṃ tridhā santarpya sarvair upacārair upacarya

purato vāma-bhāge hasta-mātraṃ jalenopalipya rudhirânna-haridrā-'nna-mahiṣa-pala-saktu-śarkarā-hetu-phala-traya-mākṣika-mudga-traya-māṣa-cūrṇa-dadhi-kṣīra-ghṛtaiḥ śuddhodanaṃ sammardya caraṇâyudhâṇḍa-pramāṇān daśa-piṇḍān vidhāya tatra nidhāya kapittha-phala-mānam ekaṃ piṇḍaṃ ca tat-samīpe sâdimopādima-madhyamaṃ caṣakaṃ ca nikṣipya daśa-piṇḍān hetukâdibhyo madhyama-piṇḍaṃ caṣakaṃ ca caṇḍoccaṇḍāya tat-tan-mantraiḥ datvā vṛndam ārādhya

yathā-vibhavaṃ śrī-guruṃ saṃtoṣya

sampūrṇa-yauvanāḥ sa-lakṣaṇā-madanonmādinīs tisraḥ śaktīr āhūya baṭukaṃ caikam abhyarcya snapayitvā gandhâdibhir alaṅkṛtya vārtālī-buddhyā ekāṃ śaktiṃ madhye krodhinī-stambhinī-buddhyā dve itare pārśvayoś caṇḍoccaṇḍa-dhiyā baṭukam agre sthāpayitvā sarvair dravyaiḥ saṃtoṣya mama śrī-vārtālī-mantra-siddhir bhūyād iti tāḥ prativadet tāś ca prasīdantv adhidevatāḥ - iti brūyuḥ

evaṃ sa-parivārām udārāṃ bhūdāra-vadanām upatoṣya lakṣaṃ puraścaraṇaṃ kṛtvā yad-daśâṃśaṃ tāpiccha-kusumair hutvā mantraṃ sādhayet

tataś ca pūjitāṃ devīm ātmani yojayitvā svairaṃ viharann ājñā-siddhaḥ sukhī viharet - iti śivam