Scripture Library

Paippalāda-Saṃhitā · Chapter 5.29

5.29.1

sūrye varca iti yac chuśravāhaṃ
yena prajā jyotiragrāś caranti |
some varco yad goṣu varco
mayi devā rāṣṭrabhṛtas tad akran ||

5.29.2

yajñe varco maruto yad adṛṃhan
vāyuḥ paśūn asṛjat saṃ bhagena |
gandharvāṇām apsarasāṃ yad apsu
mayi (…) ||

5.29.3

yajñe varco yajamāne ca varca
udābhiṣikte rājani yac ca varcaḥ |
dakṣiṇāyāṃ varco adhi yan
(…) ||

5.29.4

rathe varco rathavāhane ca varca
iṣudhau varcaḥ kavace ca varcaḥ |
aśveṣu varco adhi yan
(…) ||

5.29.5

sabhāyāṃ varcaḥ samityāṃ ca varco
vadhvāṃ varca uta varco vareṣu |
surāyāṃ varco adhi yan
(…) ||

5.29.6

siṃhe varca uta varco vyāghre
vṛke varco madhuhāre ca varcaḥ |
śyene varcaḥ patvanāṃ yad babhūva
(…) ||

5.29.7

hiraṇyavarcasam uta hastivarcasaṃ
saṃgrāmaṃ yaj jajñuṣāṃ varca āhuḥ |
kṛṣyāṃ kṣetra ṛṣayo janyānajur
mayi devā rāṣṭrabhṛtas tad akran ||

5.29.8

mayi varco mayi śravo
mayi dyumnaṃ mayi tviṣiḥ |
adhaspadaṃ pṛtanyavo
'haṃ bhūyāsam uttamaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0