પૈપ્પલાદ-સંહિતા · અધ્યાય 5.29

સૂર્યે વર્ચ ઇતિ યચ્ છુશ્રવાહં
યેન પ્રજા જ્યોતિરગ્રાશ્ ચરન્તિ ।
સોમે વર્ચો યદ્ ગોષુ વર્ચો
મયિ દેવા રાષ્ટ્રભૃતસ્ તદ્ અક્રન્ ॥

યજ્ઞે વર્ચો મરુતો યદ્ અદૃંહન્
વાયુઃ પશૂન્ અસૃજત્ સં ભગેન ।
ગન્ધર્વાણામ્ અપ્સરસાં યદ્ અપ્સુ
મયિ (…) ॥

યજ્ઞે વર્ચો યજમાને ચ વર્ચ
ઉદાભિષિક્તે રાજનિ યચ્ ચ વર્ચઃ ।
દક્ષિણાયાં વર્ચો અધિ યન્
(…) ॥

રથે વર્ચો રથવાહને ચ વર્ચ
ઇષુધૌ વર્ચઃ કવચે ચ વર્ચઃ ।
અશ્વેષુ વર્ચો અધિ યન્
(…) ॥

સભાયાં વર્ચઃ સમિત્યાં ચ વર્ચો
વધ્વાં વર્ચ ઉત વર્ચો વરેષુ ।
સુરાયાં વર્ચો અધિ યન્
(…) ॥

સિંહે વર્ચ ઉત વર્ચો વ્યાઘ્રે
વૃકે વર્ચો મધુહારે ચ વર્ચઃ ।
શ્યેને વર્ચઃ પત્વનાં યદ્ બભૂવ
(…) ॥

હિરણ્યવર્ચસમ્ ઉત હસ્તિવર્ચસં
સંગ્રામં યજ્ જજ્ઞુષાં વર્ચ આહુઃ ।
કૃષ્યાં ક્ષેત્ર ઋષયો જન્યાનજુર્
મયિ દેવા રાષ્ટ્રભૃતસ્ તદ્ અક્રન્ ॥

મયિ વર્ચો મયિ શ્રવો
મયિ દ્યુમ્નં મયિ ત્વિષિઃ ।
અધસ્પદં પૃતન્યવો
ઽહં ભૂયાસમ્ ઉત્તમઃ ॥