Scripture Library

Paippalāda-Saṃhitā · Chapter 5.30

5.30.1

payasvatīr oṣadhayaḥ
payasvan māmakaṃ vacaḥ |
atho payasvatāṃ paya
ā harāmi sahasraśaḥ ||

5.30.2

ahaṃ veda yathā payaś
cakāra dhānyaṃ bahu |
saṃbhṛtvā nāmā yo devas
taṃ vayaṃ yajāmahe
sarvasyāyajvano gṛhe ||

5.30.3

yathā dyauś ca pṛthivī ca
tasthatur dharuṇāya kam |
evā sphātiṃ ni tanomi
mayāreṣu khaleṣu ca ||

5.30.4

yathā kūpaḥ śatadhāraḥ
sahasradhāro akṣitaḥ |
evā me astu dhānyaṃ
sahasradhāram akṣitam ||

5.30.5

śatahasta samāhara
sahasrahasta saṃ kira |
yatheha sphātir āyati
kṛtasya kāryasya ca ||

5.30.6

imā yāḥ pañca pradiśo
mānavīḥ pañca kṛṣṭayaḥ |
sarvāḥ śaṃbhūr mayobhuvo
vṛṣṭe śāpaṃ nadīr iva-
-iha sphātiṃ samāvahān ||

5.30.7

iha sphātir oṣadhīnāṃ
devānām uta saṃgamaḥ |
ihaivāśvinor astu
dvāparāśvo ruhat ||

5.30.8

tisro mātrā gandharvāṇāṃ
catasro gṛhapatnyāḥ |
tāsāṃ yā sphātir uttamā
tayā tvābhi mṛśāmasi ||

5.30.9

jyeṣṭhasya tvāṅgirasasya
hastābhyām ā rabhāmahe |
yathāsad bahudhānyam
ayakṣmaṃ bahupūruṣam ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0