Scripture Library

Paippalāda-Saṃhitā · Chapter 3.7

3.7.1

ekaśataṃ viṣkandhāni
viṣṭhitā pṛthivīm anu |
teṣāṃ tu sarveṣām idam
astu viṣkandhadūṣaṇam ||

3.7.2

karṣaphasya viśaphasya
dyauṣpitā pṛthivī mātā |
yathābhicakra devās
tathāpi kṛṇutā punaḥ ||

3.7.3

aśleṣmāṇo adhārayan
tathā tan manunā kṛtam |
kṛṇomi vadhri viṣkandhaṃ
muṣkābarho gavām iva ||

3.7.4

sūtre piśaṅge khṛgalaṃ
yad ābadhnanti vedhasaḥ |
śravasyaṃ śuṣmaṃ kābavaṃ
vadhriṃ kṛṇvantu bandhuraḥ ||

3.7.5

yenā śravasyo caratha
devā ivāsuramāyayā |
śunāṃ kapir iva dūṣaṇo
bandhurā kābavasya ca ||

3.7.6

duṣṭyai hi tvā bhantsyāmi
dūṣayitvā kābavam |
ud āśavo rathā iva
śapathebhiḥ sariṣyatha ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0