Paippalāda-Saṃhitā · Chapter 3.8
yamasya lokād adhy ā babhūvitha
pramadā martān pra yunakṣudhīraḥ |
ekākinā sarathaṃ yāsi vidvān
svapna mimāno asurasya yonau ||
bambas tvāgre viśvavayāpaśyat
purā rātryā janitor eke ahni |
tataḥ svapnedam adhy ā babhūvitha
viṣvaṅvarūpam apagūhamānaḥ ||
bṛhan grāvāsurebhyo 'dhi devān
upāvavarta mahimānam icchan |
tasmai svapnāya dadhur ādhipatyaṃ
trayastriṃśāsaḥ svar ānaśānāḥ ||
naitāṃ viduḥ pitaro nota devā
yaiṣā jalpiś caraty antaredam |
trite svapnam adadhur āptye nara
ādityāso varuṇenānuśiṣṭāḥ ||
vy asya krūram abhi yantu duṣkṛto
'svapnena sukṛtaḥ puṇyam āyuḥ |
svar madasi parameṇa bandhunā
tapyamānasya manaso 'dhi jajñiṣe ||
vidma te sarvāḥ parijāḥ purastād
vidma svapna yo adhipā iho te |
yaśasvino no yaśaseha pāhy
ārād dviṣebhir apa yāhi dūram ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0