ग्रंथ पाठ

पैप्पलाद-संहिता · अध्याय 3.7

3.7.1

एकशतं विष्कन्धानि
विष्ठिता पृथिवीम् अनु ।
तेषां तु सर्वेषाम् इदम्
अस्तु विष्कन्धदूषणम् ॥

3.7.2

कर्षफस्य विशफस्य
द्यौष्पिता पृथिवी माता ।
यथाभिचक्र देवास्
तथापि कृणुता पुनः ॥

3.7.3

अश्लेष्माणो अधारयन्
तथा तन् मनुना कृतम् ।
कृणोमि वध्रि विष्कन्धं
मुष्काबर्हो गवाम् इव ॥

3.7.4

सूत्रे पिशङ्गे खृगलं
यद् आबध्नन्ति वेधसः ।
श्रवस्यं शुष्मं काबवं
वध्रिं कृण्वन्तु बन्धुरः ॥

3.7.5

येना श्रवस्यो चरथ
देवा इवासुरमायया ।
शुनां कपिर् इव दूषणो
बन्धुरा काबवस्य च ॥

3.7.6

दुष्ट्यै हि त्वा भन्त्स्यामि
दूषयित्वा काबवम् ।
उद् आशवो रथा इव
शपथेभिः सरिष्यथ ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0