ગ્રંથ પાઠ

પૈપ્પલાદ-સંહિતા · અધ્યાય 3.7

3.7.1

એકશતં વિષ્કન્ધાનિ
વિષ્ઠિતા પૃથિવીમ્ અનુ ।
તેષાં તુ સર્વેષામ્ ઇદમ્
અસ્તુ વિષ્કન્ધદૂષણમ્ ॥

3.7.2

કર્ષફસ્ય વિશફસ્ય
દ્યૌષ્પિતા પૃથિવી માતા ।
યથાભિચક્ર દેવાસ્
તથાપિ કૃણુતા પુનઃ ॥

3.7.3

અશ્લેષ્માણો અધારયન્
તથા તન્ મનુના કૃતમ્ ।
કૃણોમિ વધ્રિ વિષ્કન્ધં
મુષ્કાબર્હો ગવામ્ ઇવ ॥

3.7.4

સૂત્રે પિશઙ્ગે ખૃગલં
યદ્ આબધ્નન્તિ વેધસઃ ।
શ્રવસ્યં શુષ્મં કાબવં
વધ્રિં કૃણ્વન્તુ બન્ધુરઃ ॥

3.7.5

યેના શ્રવસ્યો ચરથ
દેવા ઇવાસુરમાયયા ।
શુનાં કપિર્ ઇવ દૂષણો
બન્ધુરા કાબવસ્ય ચ ॥

3.7.6

દુષ્ટ્યૈ હિ ત્વા ભન્ત્સ્યામિ
દૂષયિત્વા કાબવમ્ ।
ઉદ્ આશવો રથા ઇવ
શપથેભિઃ સરિષ્યથ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0