Scripture Library

Paippalāda-Saṃhitā · Chapter 3.27

3.27.1

hantāyam astv apratighātyaḥ
sāsahvām̐ indraḥ pṛtanā abhiṣṭhiḥ |
prajāpatir adadhād ojo asmai
bṛhad dhavir haviṣā vardhanena ||

3.27.2

prajāpate haviṣā vardhanena
hantāram indram akṛṇor aghātyam |
tasmai viśo devakṛtā namanta
sa hi hantā sa hi havyo babhūva ||

3.27.3

prajāpate abhi no neṣa vasya
urvīṃ gavyūtim abhimātiṣāhaḥ |
vardhayann indraṃ bṛhate raṇāya
devaṃ devena haviṣā vardhanena ||

3.27.4

yathā viśvāḥ pṛtanāḥ saṃjayāsi
yathā śatrūn sahamānaḥ sahāsai |
yathāsaḥ samrāṭ susamrāḍ
evā tvendro 'prativadhaṃ kṛṇotu ||

3.27.5

ayaṃ vīro 'prati hantu śatrūn
viśve devā apa sadas karātha |
māsya prajāṃ rīriṣan mota vīrān
imam indro 'prativadhaṃ kṛṇotu ||

3.27.6

jahi śatrūn prati randhayasva-
-agniṣ ṭe gopā adhipā vasiṣṭhaḥ |
śarma te rājā varuṇo ni yacchād
evā tvendro 'prativadhaṃ kṛṇotu ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0