Scripture Library

Paippalāda-Saṃhitā · Chapter 3.28

3.28.1

saṃ spṛśethāṃ tanūbhyāṃ
saṃ mukhābhyāṃ sam ātmanā |
saṃ vāṃ brahmaṇaspatiḥ
somaḥ saṃ sparśayāti vām ||

3.28.2

abhy asya nāma vācā
dadhāmi nāha mokṣyate |
mamed ahainaṃ kāme
labhai kṛṣṇam ivākhare ||

3.28.3

yaḥ premā preṇyām āsīd
dattaḥ somena babhruṇā |
tasmād adhi śrutaṃ mama
mayy asya mana āhitam ||

3.28.4

yaṃ pumāṃsaṃ kāmayase
yasmin vā bhagam icchase |
hṛcchokam asminn ā dadhmo
yathā śuṣyāti tvām anu ||

3.28.5

yathāsya hṛdayaṃ śuṣyād
apicchinneva śaṃguṇī |
cakṣur ākāśyaṃ bhīmaṃ
māṃpaśyam abhirorudam ||

3.28.6

priyaṃkaraṇam uttamaṃ
madhughena tad ābhṛtam |
tvaṃ hāsi varcasyo
'tho hāsi sumaṅgalaḥ |
atho sarvāsāṃ vīrudhāṃ
priyaṅkaraṇam ucyase ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0