પૈપ્પલાદ-સંહિતા · અધ્યાય 3.27

હન્તાયમ્ અસ્ત્વ્ અપ્રતિઘાત્યઃ
સાસહ્વાઁ ઇન્દ્રઃ પૃતના અભિષ્ઠિઃ ।
પ્રજાપતિર્ અદધાદ્ ઓજો અસ્મૈ
બૃહદ્ ધવિર્ હવિષા વર્ધનેન ॥

પ્રજાપતે હવિષા વર્ધનેન
હન્તારમ્ ઇન્દ્રમ્ અકૃણોર્ અઘાત્યમ્ ।
તસ્મૈ વિશો દેવકૃતા નમન્ત
સ હિ હન્તા સ હિ હવ્યો બભૂવ ॥

પ્રજાપતે અભિ નો નેષ વસ્ય
ઉર્વીં ગવ્યૂતિમ્ અભિમાતિષાહઃ ।
વર્ધયન્ન્ ઇન્દ્રં બૃહતે રણાય
દેવં દેવેન હવિષા વર્ધનેન ॥

યથા વિશ્વાઃ પૃતનાઃ સંજયાસિ
યથા શત્રૂન્ સહમાનઃ સહાસૈ ।
યથાસઃ સમ્રાટ્ સુસમ્રાડ્
એવા ત્વેન્દ્રો ઽપ્રતિવધં કૃણોતુ ॥

અયં વીરો ઽપ્રતિ હન્તુ શત્રૂન્
વિશ્વે દેવા અપ સદસ્ કરાથ ।
માસ્ય પ્રજાં રીરિષન્ મોત વીરાન્
ઇમમ્ ઇન્દ્રો ઽપ્રતિવધં કૃણોતુ ॥

જહિ શત્રૂન્ પ્રતિ રન્ધયસ્વ-
-અગ્નિષ્ ટે ગોપા અધિપા વસિષ્ઠઃ ।
શર્મ તે રાજા વરુણો નિ યચ્છાદ્
એવા ત્વેન્દ્રો ઽપ્રતિવધં કૃણોતુ ॥