Paippalāda-Saṃhitā · Chapter 20.64
grāhyā dūto 'sy
ulūkā saṃ pacāmi te ||
nirṛtyā dūto 'sy
ulūkā saṃ pacāmi te ||
varuṇasya dūto 'sy
ulūkā saṃ pacāmi te ||
mṛtyor dūto 'sy
ulūkā saṃ pacāmi te ||
yamasya dūto 'sy
ulūkā saṃ pacāmi te ||
rājā tvā varuṇo 'khanad
dattāṃ somena babhruṇā |
tāṃ tvā vidma pratāpikāṃ
prāmuṣya hṛdayaṃ tapa ||
śocayainaṃ pratapainaṃ
sam enaṃ takmanā sṛja |
yathāsya dahyamānasy-
-āgniḥ parvāṇy anv ayad |
hṛdayaṃ prevalijjayād
akṣyau kāmena śocayān
muhūrtaṃ mām apaśyataḥ ||
ayam it tvāgnir ā nayād
vātas tvāta ud yamāt |
yaṃ tvam enaṃ ni vartay-
- āsau hā iha te manaḥ ||
agniṣ ṭvā tapatu
sūryas tvā tapatu
vātas tvā yuṅktāṃ marutaś ca yuñjatām |
arvāṅ ehi samaṭamāno marīcibhiḥ ||
vṛhāmi te lomāny aṅgebhyaḥ
pacāmi māṃsaṃ jvalayāmy asthi |
iha te ramatāṃ mano
mayi te ramatāṃ manaḥ ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0