પૈપ્પલાદ-સંહિતા · અધ્યાય 20.64

ગ્રાહ્યા દૂતો ઽસ્ય્
ઉલૂકા સં પચામિ તે ॥

નિરૃત્યા દૂતો ઽસ્ય્
ઉલૂકા સં પચામિ તે ॥

વરુણસ્ય દૂતો ઽસ્ય્
ઉલૂકા સં પચામિ તે ॥

મૃત્યોર્ દૂતો ઽસ્ય્
ઉલૂકા સં પચામિ તે ॥

યમસ્ય દૂતો ઽસ્ય્
ઉલૂકા સં પચામિ તે ॥

રાજા ત્વા વરુણો ઽખનદ્
દત્તાં સોમેન બભ્રુણા ।
તાં ત્વા વિદ્મ પ્રતાપિકાં
પ્રામુષ્ય હૃદયં તપ ॥

શોચયૈનં પ્રતપૈનં
સમ્ એનં તક્મના સૃજ ।
યથાસ્ય દહ્યમાનસ્ય્-
-આગ્નિઃ પર્વાણ્ય્ અન્વ્ અયદ્ ।
હૃદયં પ્રેવલિજ્જયાદ્
અક્ષ્યૌ કામેન શોચયાન્
મુહૂર્તં મામ્ અપશ્યતઃ ॥

અયમ્ ઇત્ ત્વાગ્નિર્ આ નયાદ્
વાતસ્ ત્વાત ઉદ્ યમાત્ ।
યં ત્વમ્ એનં નિ વર્તય્-
- આસૌ હા ઇહ તે મનઃ ॥

અગ્નિષ્ ટ્વા તપતુ
સૂર્યસ્ ત્વા તપતુ
વાતસ્ ત્વા યુઙ્ક્તાં મરુતશ્ ચ યુઞ્જતામ્ ।
અર્વાઙ્ એહિ સમટમાનો મરીચિભિઃ ॥

વૃહામિ તે લોમાન્ય્ અઙ્ગેભ્યઃ
પચામિ માંસં જ્વલયામ્ય્ અસ્થિ ।
ઇહ તે રમતાં મનો
મયિ તે રમતાં મનઃ ॥