Paippalāda-Saṃhitā · Chapter 20.63
sesicām upatvacāṃ nāśay-
-ā pururūpād abhīlyaṃ mukhāt ||
yan me kṛtād apriyād
āruroha malaṃ mukham |
apāṃ vāta iva śīpālaṃ
sūryas tad apa lumpatu ||
apa me 'bhīlī patatv
abhraṃ vātahṛtaṃ yathā |
ā mā suvarṇaṃ gacchatu
subhāgam astu me mukham ||
yathā sūryasyopodaye
hiraṇyaṃ pratirocate |
evā me aśvinā mukhaṃ
suvarṇaṃ prati rocatām ||
pra yad gāvo na bhūrṇayas
tveṣā vayāṃsy akraman |
ghnantu kṛṣṇām apa tvacaṃ
subhāgam astu me mukham ||
indreṇa preṣita
ulūkā saṃ pacāmi te ||
somena preṣita
ulūkā saṃ pacāmi te ||
sūryeṇa preṣita
ulūkā saṃ pacāmi te ||
bṛhaspatinā preṣita
ulūkāsaṃ pacāmi te ||
prajāpatinā preṣita
ulūkāsaṃ pacāmi te ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0