Paippalāda-Saṃhitā · Chapter 20.65

ayaṃ piṇḍaḥ karkarapiṇḍaḥ
smaraḥ pāñcalaḥ saṃtapanaḥ karaṃkaraḥ |
amuṣya hṛdayaṃ tapo
yam ahaṃ kāmaye priyam ||

yathāyam agnis tapati
yathā tapati sūryaḥ |
evā te tapyatāṃ mano
hṛdayam aṅgamaṅgaṃ paruṣparur
māṃ kāmena na ramāsā atra ||

yathā tapati paraśuṃ
yathā vāsinakhādanam |
yathā sūrya udyan sarvaṃ saṃtapati |
evā te tapyatāṃ mano hṛdayam
aṅgamaṅgaṃ paruṣparur
māṃ kāmena na ramāsā atra ||

saṃ tvā dyauś ca pṛthivī ca tapatāṃ
māṃ kāmena na ramāsā atra ||

smara hai smaratād amum
aṅgajvareṇocchocanīnām |
takmanainaṃ saṃ sṛja
viśvaśāradena mama kāmena ||

aṣṭāśītiṃ sahasrāṇy
aty avādīd vaco mama |
ihāre 'ham avādiṣam
atrāre prāyasy astam ||

yaṃ sumitraḥ sumitrāyai
cakre 'vāsā smaram |
yathā sā tasya kāmena
na suṣvāpa kadā cana |
evāsau mama kāmena
māva svāpsīt kadā cana ||

pary agnir āpas tapati
pari dyām eti sūryaḥ |
pari tvām indro vṛtrahā
mahyaṃ tapatu sarvataḥ ||

yathā vāto nyāvāti
yathā tapati sūryaḥ |
evā tvam indra vṛtrahann
amuṃ mahyam ihā naya ||

śālālavaṃ saṃvananaṃ
vanād vananam ābhṛtam |
yena gayo gandharvo
apsarasāṃ samavānayat |
tenāham amuṃ mayi vānayāmy
ā mṛtyor ā parāvataḥ ||