Paippalāda-Saṃhitā · Chapter 20.62

yāvat parṇaṃ yāvat phalaṃ
yāvanto adhyṛkṣarāḥ |
tāvantaḥ śuṣmās tumburos
tad u te viṣadūṣaṇam ||

rudra jalāṣabheṣaj-
-emaṃ rogam aśīsamo
jalāṇiti ||

asthād dyaur asthāt pṛthivy
asthād idam urv antarikṣam |
ṛṣabhasyeva kanikladato
hṛdayaṃ śamayāmi te ||

saṃ mā siñcantu marutaḥ
saṃ māsau rohiṇī divaḥ |
saṃ māyam agniḥ siñcatu
prajayā ca dhanena ca
dīrgham āyuṣ kṛṇotu me ||

naktaṃ harī mṛgayete
divā suparṇarohitau |
bhavāya ca śarvāya c-
-obhābhyām akaraṃ namaḥ ||

namo bhavāya namaḥ śarvāya
namaḥ kumāraśatrave |
namo nīlaśikhaṇḍāya
namaḥ sabhāprapādine ||

yasya harī aśvatarau
gardabhāv abhitaḥsarau |
tasmai nīlaśikhaṇḍāya
namaḥ sabhāprapādine ||

asāv eti śiśumāro
asāv eti pulīkayā |
kumāraśatro va roh-
-odakaṃ parivācanam ||

yathedam abhram arbhakaṃ
parjanyād apa śīyate |
evā me aśvinā mukhād
abhīly apa śīyatām ||

abhīli naśyetaḥ paras
tvacaṃ me mābhi mimlapaḥ |
agastyasya brahmaṇ-
-ābhīlīṃ nāśayāmasi ||