પૈપ્પલાદ-સંહિતા · અધ્યાય 20.62

યાવત્ પર્ણં યાવત્ ફલં
યાવન્તો અધ્યૃક્ષરાઃ ।
તાવન્તઃ શુષ્માસ્ તુમ્બુરોસ્
તદ્ ઉ તે વિષદૂષણમ્ ॥

રુદ્ર જલાષભેષજ્-
-એમં રોગમ્ અશીસમો
જલાણિતિ ॥

અસ્થાદ્ દ્યૌર્ અસ્થાત્ પૃથિવ્ય્
અસ્થાદ્ ઇદમ્ ઉર્વ્ અન્તરિક્ષમ્ ।
ઋષભસ્યેવ કનિક્લદતો
હૃદયં શમયામિ તે ॥

સં મા સિઞ્ચન્તુ મરુતઃ
સં માસૌ રોહિણી દિવઃ ।
સં માયમ્ અગ્નિઃ સિઞ્ચતુ
પ્રજયા ચ ધનેન ચ
દીર્ઘમ્ આયુષ્ કૃણોતુ મે ॥

નક્તં હરી મૃગયેતે
દિવા સુપર્ણરોહિતૌ ।
ભવાય ચ શર્વાય ચ્-
-ઓભાભ્યામ્ અકરં નમઃ ॥

નમો ભવાય નમઃ શર્વાય
નમઃ કુમારશત્રવે ।
નમો નીલશિખણ્ડાય
નમઃ સભાપ્રપાદિને ॥

યસ્ય હરી અશ્વતરૌ
ગર્દભાવ્ અભિતઃસરૌ ।
તસ્મૈ નીલશિખણ્ડાય
નમઃ સભાપ્રપાદિને ॥

અસાવ્ એતિ શિશુમારો
અસાવ્ એતિ પુલીકયા ।
કુમારશત્રો વ રોહ્-
-ઓદકં પરિવાચનમ્ ॥

યથેદમ્ અભ્રમ્ અર્ભકં
પર્જન્યાદ્ અપ શીયતે ।
એવા મે અશ્વિના મુખાદ્
અભીલ્ય્ અપ શીયતામ્ ॥

અભીલિ નશ્યેતઃ પરસ્
ત્વચં મે માભિ મિમ્લપઃ ।
અગસ્ત્યસ્ય બ્રહ્મણ્-
-આભીલીં નાશયામસિ ॥