Paippalāda-Saṃhitā · Chapter 20.61

vyāghrāyobhayādate
pathe 'ham akaraṃ namaḥ ||

namas te pathye revati
svasti mā parā ṇaya
svasti punar ā naya |
atho svasti nas kṛdhi
jīvā jyotir aśīmahi ||

āmanasaṃ yajāmahe
satyaprāśaṃ purohitam |
taṃ devaṃ prathamaṃ yaje
yo 'mum āmanasaṃ karat ||

āmanaska devak-
-āroruvatka devaka |
arvāg avastaraṃ kṛdhi
yam ahaṃ kāmaye priyam ||

ayaṃ no agnir adhyakṣo
ayaṃ no vasuvittamaḥ |
asyopasadye mā riṣām-
-āyaṃ rakṣatu naḥ prajām ||

asmin sahasraṃ puṣyāsm-
-aidhamānāḥ sve gṛhe |
imaṃ sam indhiṣīmahy
āyuṣmantaḥ suvarcasaḥ ||

śuddhavālā kṛṣṇaphalā
kabrūr balāsabheṣajī |
śuktivalgasya nāśanī
devī dadātu bheṣajam ||

aśvattho devasadanas
tṛtīyasyām ito divi |
tatra lohitavṛkṣo jātaḥ
śigruḥ kṣiptabheṣajaḥ ||

na tatra bhavo hanti
na śarva iṣum asyati |
yatra tvaṃ deva tumburo
parvateṣu virohasi ||

kṛṣyām anyo vi rohati
girer anyo 'dhi pakṣasi |
trātārau śaśvatām imāv
ā gantāṃ śigrutumburū ||