પૈપ્પલાદ-સંહિતા · અધ્યાય 20.61

વ્યાઘ્રાયોભયાદતે
પથે ઽહમ્ અકરં નમઃ ॥

નમસ્ તે પથ્યે રેવતિ
સ્વસ્તિ મા પરા ણય
સ્વસ્તિ પુનર્ આ નય ।
અથો સ્વસ્તિ નસ્ કૃધિ
જીવા જ્યોતિર્ અશીમહિ ॥

આમનસં યજામહે
સત્યપ્રાશં પુરોહિતમ્ ।
તં દેવં પ્રથમં યજે
યો ઽમુમ્ આમનસં કરત્ ॥

આમનસ્ક દેવક્-
-આરોરુવત્ક દેવક ।
અર્વાગ્ અવસ્તરં કૃધિ
યમ્ અહં કામયે પ્રિયમ્ ॥

અયં નો અગ્નિર્ અધ્યક્ષો
અયં નો વસુવિત્તમઃ ।
અસ્યોપસદ્યે મા રિષામ્-
-આયં રક્ષતુ નઃ પ્રજામ્ ॥

અસ્મિન્ સહસ્રં પુષ્યાસ્મ્-
-ઐધમાનાઃ સ્વે ગૃહે ।
ઇમં સમ્ ઇન્ધિષીમહ્ય્
આયુષ્મન્તઃ સુવર્ચસઃ ॥

શુદ્ધવાલા કૃષ્ણફલા
કબ્રૂર્ બલાસભેષજી ।
શુક્તિવલ્ગસ્ય નાશની
દેવી દદાતુ ભેષજમ્ ॥

અશ્વત્થો દેવસદનસ્
તૃતીયસ્યામ્ ઇતો દિવિ ।
તત્ર લોહિતવૃક્ષો જાતઃ
શિગ્રુઃ ક્ષિપ્તભેષજઃ ॥

ન તત્ર ભવો હન્તિ
ન શર્વ ઇષુમ્ અસ્યતિ ।
યત્ર ત્વં દેવ તુમ્બુરો
પર્વતેષુ વિરોહસિ ॥

કૃષ્યામ્ અન્યો વિ રોહતિ
ગિરેર્ અન્યો ઽધિ પક્ષસિ ।
ત્રાતારૌ શશ્વતામ્ ઇમાવ્
આ ગન્તાં શિગ્રુતુમ્બુરૂ ॥