Paippalāda-Saṃhitā · Chapter 20.57
sanir asi sanitāsi saneyam ||
kṛtir asi kartāsi kriyāsam ||
vittir asi vettāsi videyam ||
bhūtir asi bhūtāsi bhūyāsam ||
bhūr asi subhūr asi subhūr nāmāsi ||
prajāpater madhyamaḥ śreṣṭho raśmir asi ||
bhūtaye tvā vittaye tvā paśūnāṃ tvā vittaya ā dadhāmi ||
agnir vahnir vahnir agniḥ ||
indra āroddhā prajāpatiḥ pradātā ||
bṛhaspates tvā mukhena yācāmi
sūryasya tvā cakṣuṣā pratīkṣe
adabdhena tvā cakṣuṣāvekṣe ||
ayuto 'ham ayuto ma ātmā
ayutaṃ me cakṣur ayutaṃ me śrotram
ayuto me prāṇo ayuto me 'pāno ayuto 'haṃ sarvaḥ ||
devasya tvā savituḥ prasave 'śvinor bāhubhyāṃ pūṣṇo hastābhyāṃ prasūta ā rabhe ||
agneṣ ṭvāsyena prāśnāmi bṛhaspater mukhena ||
indrasya tvā jaṭhare sādayāmi varuṇasyodare ||
yo agnir nṛmaṇā nāma brāhmaṇeṣu praviṣṭaḥ ||
tasminn etat suhutam astu prāśitaṃ
tan mā mā hiṃsīḥ parame vyoman ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0