પૈપ્પલાદ-સંહિતા · અધ્યાય 20.57
સનિર્ અસિ સનિતાસિ સનેયમ્ ॥
કૃતિર્ અસિ કર્તાસિ ક્રિયાસમ્ ॥
વિત્તિર્ અસિ વેત્તાસિ વિદેયમ્ ॥
ભૂતિર્ અસિ ભૂતાસિ ભૂયાસમ્ ॥
ભૂર્ અસિ સુભૂર્ અસિ સુભૂર્ નામાસિ ॥
પ્રજાપતેર્ મધ્યમઃ શ્રેષ્ઠો રશ્મિર્ અસિ ॥
ભૂતયે ત્વા વિત્તયે ત્વા પશૂનાં ત્વા વિત્તય આ દધામિ ॥
અગ્નિર્ વહ્નિર્ વહ્નિર્ અગ્નિઃ ॥
ઇન્દ્ર આરોદ્ધા પ્રજાપતિઃ પ્રદાતા ॥
બૃહસ્પતેસ્ ત્વા મુખેન યાચામિ
સૂર્યસ્ય ત્વા ચક્ષુષા પ્રતીક્ષે
અદબ્ધેન ત્વા ચક્ષુષાવેક્ષે ॥
અયુતો ઽહમ્ અયુતો મ આત્મા
અયુતં મે ચક્ષુર્ અયુતં મે શ્રોત્રમ્
અયુતો મે પ્રાણો અયુતો મે ઽપાનો અયુતો ઽહં સર્વઃ ॥
દેવસ્ય ત્વા સવિતુઃ પ્રસવે ઽશ્વિનોર્ બાહુભ્યાં પૂષ્ણો હસ્તાભ્યાં પ્રસૂત આ રભે ॥
અગ્નેષ્ ટ્વાસ્યેન પ્રાશ્નામિ બૃહસ્પતેર્ મુખેન ॥
ઇન્દ્રસ્ય ત્વા જઠરે સાદયામિ વરુણસ્યોદરે ॥
યો અગ્નિર્ નૃમણા નામ બ્રાહ્મણેષુ પ્રવિષ્ટઃ ॥
તસ્મિન્ન્ એતત્ સુહુતમ્ અસ્તુ પ્રાશિતં
તન્ મા મા હિંસીઃ પરમે વ્યોમન્ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0