Scripture Library

Paippalāda-Saṃhitā · Chapter 20.54

20.54.1

yat te śliṣṭaṃ kloma karṇeṣu
yac ca śiśne sanābhyām |
indras tad abravīd bhiṣak
pārṣṇir āśliṣṭāvacchedanī ||

20.54.2

eṣā vai duḥsahā nāma
pārṣṇir āśliṣṭāvacchedanī |
idam aham amuṣyāmuṣyāyaṇasyāmuṣyāḥ putrasyāśliṣṭāṃ pra cchinadmi ||

20.54.3

vipaścit puccham ābharat
tad viṣṇuḥ punar ābharat |
tad agninā manasā saṃvidānaṃ
pumāṃsam asyai putraṃ dhehi svāhā ||

20.54.4

vipaścit puccham ā bhara
yarjjarahastā cittyā |
yathāsyāḥ putro jāyatā
abhibhūr ṇo vipaścitā ||

20.54.5

apehīto vipaścit tvaṃ
pumān ayaṃ janiṣyate |
pumān puṃso adhi saṃbhūtaḥ
sa pumān eva jāyatām ||

20.54.6

bhadrāya karṇaḥ krośatu
bhadrāyākṣi vi vepatām |
parā duṣvapnyaṃ suva
yad bhadraṃ tan na ā suva ||

20.54.7

akṣivepaṃ duṣvapnyam
ārtiṃ puruṣareṣiṇīm |
tad asmad aśvinā yuvam
apriye prati muñcatam ||

20.54.8

yat pārśvād uraso me
aṅgādaṅgād avavepate |
aśvinā puṣkarasrajā
tasmān naḥ pātam aṃhasaḥ ||

20.54.9

yadīd amṛtakāmyāghaṃ
(· ·) ripram upeyima |
andhaśroṇa iva hīyatāṃ
mā no nv āgād aghaṃ yataḥ ||

20.54.10

ariprā āpo apa ripram asmat |
yo 'smān dveṣṭi yaṃ vayaṃ dviṣmas
tasmin duṣvapnyam ā sṛjāmi ||

20.54.101

payo me kloma karṇeṣu
payo me vīrudho dadhan |
payo me sṛṣṭā deveṣu
payo me dadhat ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0