Scripture Library

Paippalāda-Saṃhitā · Chapter 20.53

20.53.1

dhātā te hastam agrahīt
savitā hastam agrahīt |
mitras tvam asi dharmaṇ-
-agnir ācāryas tava ||

20.53.2

agner brahmacāry asi
mama brahmacāry asi |
prajāpatiṣ ṭvā gopāyatu
devāya tvā savitre pari dadāmi
svasti caratād ihāsau ||

20.53.3

viśvam asi viśvapate
sarvam asi sarvapate |
taṃ tvāsau devāya tvā savitre pari dadāmi
svasti caratān mayi ||

20.53.4

samāvavartti viṣṭhito jigīṣur
viśveṣāṃ kāmaś caratām ihāstu |
viśvā dveṣāṃsi duritā hitv-
-ā yantv anuvratā savitur daivyasya ||

20.53.5

ā no hasto akṛtāgāt svargaḥ
punar aitu tanvā saṃvidānaḥ |
prāṇena tejasā harasā balena
mitro asmān varuṇa ubhayatas pātu ||

20.53.6

yat kāma kāmayamānā
idaṃ kṛṇmasi te haviḥ |
tan naḥ sarvaṃ sam ṛdhyatām
athaitasya haviṣo vīhi svāhā ||

20.53.7

yad varco dyāvāpṛthivyor
atho yad āñjana tvayi |
tena sucakṣā varcasy
ahaṃ bhūyāsam āñjana ||

20.53.8

yady aspṛṣi śliṣṭaṃ
yadi vā svapnayānuśliṣṭam |
āśliṣṭāvacchedanam
asy abhidṛṣṭavīryam ||

20.53.9

ava vār iva vārivā
ava varṣaṃ girer iva |
ava jyām iva dhanvano
hṛdi śliṣṭaṃ chinadmi te ||

20.53.10

yat te hṛdi śliṣṭaṃ
yac ca śliṣṭaṃ purītati |
madhye pṛṣṭīnāṃ yac chliṣṭaṃ
tat pārṣṇyāva chinadmi te ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0